Destrýktıvti dinı aǵymnyń bes izbasary qamaýǵa alyndy, dep habarlaıdy Dalanews.kz QR UQK baspasóz qyzmetine silteme jasap.
"2020 jyly 27 qańtarda QR Ulttyq qaýipsizdik komıteti Qaraǵandy men Tarazda lańkestik kúdigimen destrýktıvti dinı aǵymnyń bes izbasaryn ustady, olar sot sanksıasymen eki aıǵa qamaýǵa alyndy. Olardyń bári buryn aýyr jáne asa aýyr qylmystar boıynsha sotty bolǵandar", - dep atap ótti departamenttegiler.
Bul adamdarǵa qatysty QR Qylmystyq kodekstiniń 257-baby, ıaǵnı "Terorıstik topty qurý, oǵan basshylyq etý jáne onyń qyzmetine qatysý", sondaı-aq 256-bap, ıaǵnı "Terorızmdi nasıhattaý" boıynsha qylmystyq is qozǵaldy.
Tergeýshilerdiń aıtýynsha, bul top respýblıkamyzda halyq kóp jınalatyn jerlerde terakt jasaý maqsatynda qurylǵan. Tergeý júrip jatyr.
