Qarmet ءوندىرىستى جۇيەلى جاڭعىرتۋ جانە سيفرلاندىرۋ شەڭبەرىندە جابدىقتى باقىلاۋ مەن دياگنوستيكالاۋدىڭ زاماناۋي شەشىمدەرىن ەنگىزۋدە. ونىڭ نەگىزگىلەرى — Intellinova Parallel EN ۇزدىكسىز باقىلاۋ جۇيەسى جانە RDI Technologies كومپانياسىنىڭ Iris M يننوۆاسيالىق ونەركاسىپتىك بەينەاناليتيكا پلاتفورماسى، ولار تەمىرتاۋداعى مەتاللۋرگيا كومبيناتىندا پايدالانۋعا بەرىلدى، دەپ حابارلايدى Dalanews.kz.
Intellinova Parallel EN جابدىقتىڭ جاي-كۇيىن تاۋلىك بويى باقىلايدى جانە نەگىزگى پارامەترلەر — ءدىرىل، سوققىلىق يمپۋلستەر مەن اينالۋ جيىلىگى — بويىنشا ەڭ از اۋىتقۋلاردى ناقتى ۋاقىت رەجيمىندە تىركەيدى. جۇيە كۇردەلى كوپجەتەكتى مەحانيزمدەردى قوسا العاندا، بىرنەشە توراپتى ءبىر مەزگىلدە باقىلاۋعا مۇمكىندىك بەرەدى، بۇل ۇزدىكسىز جانە جوعارى جۇكتەمەلى وندىرىستەر ءۇشىن وتە ماڭىزدى.
Iris M ءوز كەزەگىندە كلاسسيكالىق دياگنوستيكانى ۆيزۋالدى اناليتيكامەن تولىقتىرادى. Motion Amplification تەحنولوگياسى سەكۋندىنا 1300 كادر جىلدامدىقتاعى ميكروجوزعالىستاردى كورۋگە مۇمكىندىك بەرەدى. كامەرا ءىس جۇزىندە جوعارى دالدىكتەگى سەنسورعا اينالىپ، وزگەرىستەردى تىركەيدى جانە ولاردى كۇردەلى شيفرسىزداندىرۋسىز تۇسىنىكتى بەينەگە تۇرلەندىرەدى.
«ونەركاسىپتى دامىتۋ قورىمەن ىنتىماقتاستىق شەڭبەرىندە 2026 جىلدىڭ ناۋرىزىندا Qarmet مەتاللۋرگيا كومبيناتىندا زاماناۋي دياگنوستيكالىق جابدىق — RDI Technologies كومپانياسىنىڭ Intellinova Parallel EN جانە Iris M جۇيەلەرى پايدالانۋعا بەرىلدى. بۇعان دەيىن جوعارى دالدىكتەگى دياگنوستيكا جۇرگىزۋ ءۇشىن ءۇشىنشى تاراپ ۇيىمدارى تارتىلاتىن، الايدا ەندى كومپانيا وندىرىستىك پروسەستەردى توقتاتپاي جابدىقتىڭ جاي-كۇيىن كەشەندى باعالاۋعا وزىندىك قۇزىرەتكە يە بولدى. وسى شەشىمدەردى ەنگىزۋ اگرەگاتتاردى ناقتى ۋاقىت رەجيمىندە ەگجەي-تەگجەيلى دياگنوستيكالاۋعا، اۋىتقۋلاردى انىقتاۋدىڭ جەدەلدىگى مەن دالدىگىن ارتتىرۋعا مۇمكىندىك بەرەدى»، — دەپ اتاپ ءوتتى Qarmet جابدىقتارىنىڭ تەحنيكالىق دياگنوستيكاسى جانە سەنىمدىلىگى ءبولىمىنىڭ باسشىسى سەرگەي كۆان.
سونىمەن قاتار بەينەاناليتيكانى پايدالانۋ دياگنوستيكا پروسەستەرىن نەعۇرلىم كورنەكى ەتەدى جانە شەشىم قابىلداۋدى جەدەلدەتەدى. بۇعان قوسا ينجەنەرلەردەن باستاپ جەدەل پەرسونالعا دەيىنگى ماماندار اراسىنداعى ءوزارا ءىس-قيمىلدىڭ تيىمدىلىگى ارتادى.
بۇل شەشىمدەردى بىرلەسىپ قولدانۋ جابدىقتىڭ جاي-كۇيىن باقىلاۋعا — ءدال ولشەمدەردەن ۆيزۋالدى تالداۋعا دەيىن — كەشەندى ءتاسىل قالىپتاستىرادى. بۇل اۋىتقۋلارعا جەدەل دەن قويۋعا عانا ەمەس، سونىمەن بىرگە توقتاپ قالۋ تاۋەكەلدەرىن ازايتىپ، شىعىنداردى وڭتايلاندىرا وتىرىپ، باسقارۋدىڭ بولجامدى ۇلگىسىن دە قالىپتاستىرۋعا مۇمكىندىك بەرەدى.
مۇنداي تەحنولوگيالاردى ەنگىزۋ Qarmetء-تىڭ وندىرىستىك پروسەستەردىڭ سەنىمدىلىگىن، قاۋىپسىزدىگى مەن تيىمدىلىگىن ارتتىرۋعا باعىتتالعان ۇزاق مەرزىمدى ستراتەگياسىنىڭ ءبىر بولىگى بولىپ تابىلادى.
