تەكەلى قالاسى اكىمدىگىنىڭ جانىنداعى «ءتىل جانە ونوماستيكا» جۇمىسشى توبىمەن قالاداعى حالىققا قىزمەت كورسەتەتىن ورىندارداعى ياعني 8 ءدامحانا، 123 دۇكەن، 7 شاشتاراز، 6 ءدارىحانا، 58 مەكەمە، كاسىپورىندارعا جالپى سانى 202 نىسانداعى كورنەكى اقپارات تىلدەرىن زەردەلەۋ ءۇشىن 6 رەيد جۇرگىزدى.

قالادا  قازتەست جۇيەسى ارقىلى تۇرعىنداردىڭ مەملەكەتتىك ءتىلدى مەڭگەرۋ دەڭگەيىن انىقتاۋ ءۇشىن ق ر ءبىلىم جانە عىلىم مينيسترلىگى «ۇلتتىق تەستىلەۋ ورتالىعى» رمقك قىزمەتكەرلەرىنىڭ قاتىسۋىمەن دياگنوستيكالىق تەستىلەۋ ءوتتى. اتالعان شاراعا  50 قىزمەتكەر قاتىسقان.

سونىمەن قاتار، «ۇلت تاريحىنداعى ماڭىزدى بەتبۇرىس»،  «قانەكەي، جاڭا ءالىپبيدى  ۇيرەنەيىك» تاقىرىپتارىندا دوڭگەلەك ۇستەل، «ەل ەرتەڭى ءۇشىن قاجەتتى قادام» تاقىرىبىندا تاپقىرلار سايىسى، «لاتىن قارپىنە كوشۋ: ماسەلە، پىكىر، ۇسىنىس» اتتى  جاستارمەن كەزدەسۋ،   «جىردىڭ سۇلۋ شەبەرى» تاقىرىبىندا لاتىن قارپىندە ەسسە جازۋ بايقاۋى، «لاتىن ءقارپى: بىرىكتىرۋدىڭ مىقتى باعىتى» تاقىرىبىندا ونلاين پىكىر الماسۋ، «لاتىن – قازاق ءتىلىنىڭ بولاشاعى» اتتى ونلاين سۇحبات جانە ت.ب.، بارلىعى – 25 شارا ۇيىمداستىرىلىپ، وتكىزىلدى.