تاۋەلسىزدىك كۇنىنە وراي ۇيىمداستىرىلعان سالتاناتتى شارادا الەۋمەتتىك جاعىنان از قامتىلعان سەمەيلىك 40 تۇرعىن جاڭا باسپاناعا يە بولدى.
وڭىردە كوپ بالالى جانە الەۋمەتتىك از قامتىلعان وتباسىلاردى قولداۋ شارالارىنىڭ كەشەندى باعدارلاماسى ىسكە اسىرىلۋدا.
ياعني، وسى ساناتتاعى وتباسىلاردان شىققان 35 مىڭعا جۋىق مەكتەپ جاسىنداعى بالا ىستىق تاماقپەن جانە مەكتەپ فورماسىمەن قامتاماسىز ەتىلدى، 3 مىڭنان استام بالا تەگىن بالاباقشاعا باردى، 4 مىڭنان استام مەكتەپ تۇلەكتەرى كوللەدجدەر مەن جوعارى وقۋ ورىندارىنىڭ گرانتتارىنا يە بولدى.
وبلىستا كوپبالالى جانە الەۋمەتتىك از قامتىلعان وتباسىلاردى باسپانامەن قامتۋ ماسەلەسى دە تۇبەگەيلى شەشىمىن تاۋىپ كەلەدى.
جالپى، جىل باسىنان بەرى شىعىس قازاقستان بويىنشا تۇرعىن ءۇي كەزەگىندە تۇرعان 440 كوپبالالى جانە الەۋمەتتىك از قامتىلعان وتباسى باسپانالى بولدى.
اسەم جىلقىشييەۆا
