«Dara» دارىندىلاردى قولداۋ قورىنىڭ ۇيىمداستىرۋىمەن جانە تۇركىستان وبلىسى اكىمدىگىنىڭ قولداۋىمەن وتكەن ءدۇبىرلى سىنعا 270-كە جۋىق ادام قاتىستى. ولاردىڭ اراسىندا 3 ەگىز سپورتشى دا بولدى. جارىستى ۇيىمداستىرۋعا تۇركىستان وبلىستىق «جاستار رەسۋرستىق ورتالىعى» ايرىقشا ۇلەس قوستى.
جالپى تۇركىستاندىقتار اراسىندا تۋرنيككە ەڭ كوپ تارتىلۋ كورسەتكىشى 36 بولدى. بۇل كورسەتكىشكە 18-30 جاس ارالىعىنداعى ۇمىتكەرلەر سايىسىندا ب ا ق سىناعان قاسىمبەك نۇرجىگىت قول جەتكىزدى.
18 جاسقا دەيىنگىلەر اراسىندا قۇدىرەت ازرەتالى، شاحيزيندا بەرىك جانە راحماتۋللا مۇستافا توپ جەڭىمپاز بولدى. ولارعا 200 مىڭ تەڭگە اقشالاي سىيلىق تاپسىرىلدى.
18-30 جاس ارالىعىنداعى سايىستا زۋلقايناروۆ جۇمادۋللا، قاسىمبەك نۇرجىگىت جانە ءادىلوۆ دوسبولات جەڭىمپاز اتاندى. ال 30 جاستان ۇلكەندەر اراسىنداعى سىندا ورىنتاي نۇربولات، جانعالي ءالجانوۆ جانە ەربولات بيمۋرزايەۆتىڭ مەرەيى ۇستەم بولدى.
سونىمەن بىرگە ەكىنشى جانە ءۇشىنشى ورىن العان جالپى 18 سپورتشى ماراپاتتالدى. ءبىرقاتار قاتىسۋشىعا ارنايى ماراپاتتار ۇسىنىلدى. مۇمكىندىگى شەكتەۋلى جان دانيار ماجيتوۆ پەن سايىستىڭ ەڭ جاسى ۇلكەن ۇمىتكەرى داداجان سۇلەيمەنوۆكە جانە ەڭ جاس قاتىسۋشى ناديا سادىقوۆاعا ارنايى سىيلىقتار بەرىلدى.
«الاش پرايدتىڭ» تۇركىستان وبلىستىق فيليالىنىڭ پرەزيدەنتى مۇرات احانوۆ تا ءوز اتىنان ەكى ۇمىتكەرگە قۇرمەت كورسەتتى. جۇلدەگەرلەردى «Dara» دارىندىلاردى قولداۋ قورىنىڭ جەتەكشىسى نۇرلان قويانبايەۆ باستاعان ازاماتتار ماراپاتتادى.
جالپى سايىستا تۇركىستان ءوڭىرىنىڭ بىلەكتى، جۇرەكتى ورەندەرى تۋرنيككە 4575 رەت تارتىلدى. التى جاستاعى بالادان باستاپ 70 جاستان اسقان ۇمىتكەرلەر قاتىسقان دودا 4 ساعاتقا سوزىلدى.
سايىستىڭ 9 جەڭىمپازى نۇر-سۇلتان قالاسىندا وتەتىن گراند-فينالعا جولداما الدى. ال ول سىندا جەڭىسكە جەتسە، Street Workout جاتتىعۋلارى بويىنشا الەم چەمپيوناتىنا قاتىسادى. وتە جوعارى دەڭگەيدە ۇيىمداستىرىلعان سپورتتىق باسەكە تانىمال ءانشى ميراس جۇگىنىسوۆتىڭ كونسەرتىمەن تۇيىندەلدى.
