تاراز قالاسىندا بانك بٶلٸمشەلەرٸنٸڭ بٸرٸنٸڭ ماڭىنان 35 جاستاعى كەسٸپكەر ەلنۇر مايماقوۆتىڭ مەيٸتٸ تابىلدى. ونىڭ باسىنان وق جاراقاتى انىقتالعان, دەپ حابارلايدى Dalanews.kz.
پوليتسييا مەلٸمەتٸنشە, مارقۇم وقيعا الدىندا تانىسىنىڭ ٷيٸندە بولعان. ەكەۋٸنٸڭ اراسىندا قارىز مەسەلەسٸنە بايلانىستى جانجال تۋىنداعان.
جانجالدان كەيٸن ولار سىرتقا شىققان. سول كەزدە ەر ادام قارۋ شىعارىپ, قارسىلاسىنا قاراي ەكٸ رەت وق اتقانىمەن, ەشكٸم زارداپ شەكپەگەن. ارادا بٸرنەشە مينۋت ٶتكەن سوڭ تاعى بٸر وق داۋىسى ەستٸلگەن.
كەيٸن كەسٸپكەردٸڭ دەنەسٸن ونىڭ تانىسى تاپقان. ول مارقۇممەن بٸرگە تاڭعى نامازعا بارماق بولعان. بەلگٸلٸ بولعانداي, قايتىس بولار الدىندا ەر ادام دوسىنا حابارلاسىپ, ٶزٸن جاقىن ماڭداعى دەمحانادان الىپ كەتۋٸن سۇراعان.
وقيعا ورنىنان تٸركەلمەگەن تراۆماتيكالىق تاپانشا تەركٸلەندٸ. قازٸر ٸس بويىنشا تەرگەۋ امالدارى جٷرگٸزٸلٸپ جاتىر.
«تارازدا ەر ادامنىڭ دەنەسٸ تابىلۋىنا بايلانىستى قىلمىستىق كودەكستٸڭ 105-بابى – “ٶزٸن-ٶزٸ ٶلتٸرۋگە دەيٸن جەتكٸزۋ” بويىنشا قىلمىستىق ٸس قوزعالدى. كٷدٸكتٸ انىقتالىپ, ۋاقىتشا ۇستاۋ يزولياتورىنا قامالدى. قازٸرگٸ ۋاقىتتا ٸستٸڭ مەن-جايىن جان-جاقتى, تولىق ەرٸ وبەكتيۆتٸ انىقتاۋعا باعىتتالعان تەرگەۋ امالدارى جٷرگٸزٸلۋدە», – دەپ حابارلادى تاراز قالاسى پد.
سونداي-اق پوليتسييا تەرگەۋ مٷددەسٸنە بايلانىستى ٶزگە اقپاراتتىڭ جارييا ەتٸلمەيتٸنٸن اتاپ ٶتتٸ.
كەيبٸر مەلٸمەتتەرگە سەيكەس, ٸس بويىنشا باستى فيگۋرانت الماس قىرىقباەۆ بولۋى مٷمكٸن. بۇعان دەيٸن ونىڭ ەسٸمٸ «قىرىقباەۆتار» ۇيىمداسقان قىلمىستىق توبىنا قاتىستى اتالعان. الايدا بۇل اقپاراتتى قۇقىق قورعاۋ ورگاندارى رەسمي تٷردە راستاعان جوق.
