تانىمال ەزٸلكەش تۇرسىنبەك قاباتوۆ قاماۋعا الىندى, - دەپ حابارلايدى Dalanews.kz.
استانا قالالىق ەكٸمشٸلٸك قۇقىقبۇزۋشىلىق ٸستەر جٶنٸندەگٸ مامانداندىرىلعان اۋدانارالىق سوتى ۇساق بۇزاقىلىق جاساعانى ٷشٸن ايىپتالعان ادامعا قاتىستى ٸستٸ قارادى (ەقبتك-نٸڭ 434-بابىنىڭ 1-بٶلٸگٸ). ٸس ماتەريالدارىنا سەيكەس, ايىپتالۋشى ۇشاق بورتىندا ماس كٷيٸندە ەدەپسٸز سٶزدەر ايتقان. بۇل تۇرسىنبەك قاباتوۆ ەكەنٸ بەلگٸلٸ بولدى.
"سوتتا ول ستيۋاردەسسالاردىڭ ناشار قىزمەتٸنە كٶڭٸلٸ تولمايتىنىن ايتىپ, ولارعا ٶز ەسكەرتۋٸن بٸلدٸرگەن. ول ٶزٸنٸڭ ەدەپسٸز سٶز ايتقانى نەمەسە ايتپاعانى ەسٸندە جوقتىعىن العا تارتقان, بٸراق قوعامدىق تەرتٸپتٸ بۇزعانى ٷشٸن كەشٸرٸم سۇراعان", - دەپ جازىلعان حابارلامادا.
كۋە (اعا ستيۋاردەسسا) قۇقىق بۇزۋشىنىڭ ۇشاق بورتىندا ماس كٷيٸندە بولعانىن جەنە ەدەپسٸز سٶزدەر ايتىپ, سول ارقىلى قوعامدىق تەرتٸپ پەن ازاماتتاردىڭ تىنىشتىعىن بۇزعانىن راستاعان.
قۇقىق بۇزۋشىنىڭ كٸنەسٸ كۋەنٸڭ ايعاقتارىمەن, جولاۋشىنى پوليتسيياعا بەرۋ اكتٸسٸمەن, بەينەجازبامەن جەنە مەديتسينالىق ساراپتاما قورىتىندىسىمەن راستالادى. ەقبتك-نٸڭ 434-بابىنىڭ 1-بٶلٸگٸنٸڭ سانكتسيياسىندا 20 اەك كٶلەمٸندە ايىپپۇل سالۋ نەمەسە 5-تەن 15 تەۋلٸككە دەيٸن ەكٸمشٸلٸك قاماققا الۋ كٶزدەلگەن.
سوت جاسالعان ٸس-ەرەكەتتٸڭ كٶلەمٸ مەن سيپاتىن, قوعامعا تەرٸس ەسەر ەتەتٸن جەنە قوعامدى سىيلاماۋشىلىقتى كٶرسەتۋگە باعىتتالعان, لايىقسىز مٸنەز-قۇلىقپەن كٶرٸنەتٸن قۇقىققا قارسى مٸنەز-قۇلىقتىڭ جالعاسۋىن ەسكەرە وتىرىپ جازا تاعايىندادى.
ايىپتالۋشى ەقبتك-نٸڭ 434-بابىنىڭ 1-بٶلٸگٸندە كٶزدەلگەن ەكٸمشٸلٸك قۇقىق بۇزۋشىلىقتى جاساعانى ٷشٸن كٸنەلٸ دەپ تانىلدى. ول ەكٸمشٸلٸك جازاعا تارتىلدى - 5 تەۋلٸككە قاماۋعا الىندى. قاۋلى زاڭدى كٷشٸنە ەنگەن جوق.
