ءسابيدىڭ اناسى – 28 جاستاعى ءنازيرا مۋللودجونوۆا تاجىكستاننىڭ ەڭبەك جانە حالىقتى جۇمىسپەن قامتۋ اگەنتتىگىنىڭ مامانى بولىپ جۇمىس ىستەيدى. ەكەۋى دە وزدەرىن جاقسىن سەزىنەدى.
بوسانعان كەلىنشەك تاڭەرتەڭ قۋانىشتى حاباردى ەستىگەندە، وزىمە ءوزىم سەنبەدىم دەيدى. "مەن ەلدە حالىقتىڭ سانى 9 ميلليونعا جاقىنداپ قالعانىن بىلمەدىم. بۇگىن مەن ءۇشىن ەكى ەسە قۋانىشتى كۇن"، - دەيدى ءنازيرا. ءسابيدىڭ اكەسى فيرۋز لاتيپوۆ قىزى بولۋدى كوپتەن بەرى ارمانداپتى. ولاردىڭ ءبىر ۇلى بار.
تاجىكستان پرەزيدەنتى جاڭا تۋعان ءسابيدىڭ اتا-اناسىن قۇتتىقتاپ، دۋشانبەدەن پاتەر كىلتىن تابىس ەتتى. دۋشانبە مەرى رۋستام ەمومالي ءنازيرا مۋللودجونوۆاعا استانا ورتالىعىنان ءۇش بولمەلى پاتەر بەرۋ جونىندە قاۋلىعا قول قويعان.
تاجىكستان پوستسوۆەتتىك مەملەكەتتەر اراسىندا بالا تۋۋ سانى جاعىنان الدا كەلەدى. رەسمي مالىمەت بويىنشا جىل سايىن بۇل ەلدە 200 مىڭعا جۋىق ءسابي تۋىلادى.
بۇۇ بولجامى بويىنشا، 2050 جىلعا قاراي تاجىكستان حالقىنىڭ سانى 14،5 ميلليون ادامعا جەتەدى.
