دۋشانبەدەگٸ اۋداندىق سوت تەجٸك سالافيتشٸلەرٸنٸڭ كٶسەمٸ مۇحاممادي راحماتۋللونى سەگٸز جىلعا تٷرمەگە وتىرعىزدى. وزودي راديوسىنىڭ حابارلاۋىنشا, ٷكٸم ٶتكەن اپتانىڭ سوڭىندا شىعارىلعان. راحماتۋللو ەكسترەميستٸك قاۋىمداستىق قۇردى دەگەن ايىپپەن سوتتالدى.
سوتتالۋشىنىڭ ادۆوكاتى توليبي سانگين سوت ٷكٸمٸمەن كەلٸسپەيتٸنٸن, سوتتىڭ جوعارعى ساتىسىنا شاعىمداناتىن مەلٸمدەدٸ.
رۋداكي اۋدانىنىڭ 43 جاستاعى تۇرعىنى مۇحاممالي راحماتۋللو بيىل اقپان ايىندا قاماۋعا الىندى. 2011 جىلى ول يسلامابادتاعى حالىقارالىق يسلام ۋنيۆەرسيتەتٸنٸڭ شاريعات فاكۋلتەتٸن اياقتاپ, ەلگە ورالدى.
وسىدان ون جىل بۇرىن تەجٸكستاندا «سالافييا» قوزعالىسىنىڭ ىقپالى كٷشەيٸپ تۇرعان كەزدە, راحماتۋللو ەلدەگٸ دەستٷرلٸ دٸن ٶكٸلدەرٸمەن پٸكٸر-تالاستاردا سالافيتشٸلەردٸڭ باس ناسيحاتشىسى بولدى. ول ٶزٸن تەجٸك سالافيتشٸلەرٸنٸڭ كٶسەمٸ رەتٸندە تانىستىردى.
2009 جىلى تەجٸكستاندا «سالافييا» دٸني قوزعالىسىنا تىيىم سالىنعان سوڭ, راحماتۋللو كٶپشٸلٸك الدىنا كٶپ شىقپاي كەتتٸ. ٶتكەن جىلى قاڭتاردا ونىڭ ۇستالعانى تۋرالى اقپارات تاراعان ۋاقىتتا, ەلدٸڭ قۇقىققورعاۋ ورگاندارى بۇل مەلٸمەتتٸ راستاماعان ەدٸ. ەلدٸڭ ٸشكٸ ٸستەر مينيسترٸ رامازون راحيمزودا ٶتكەن جىلى قوزعالىستىڭ بٸرقاتار بەلسەندٸسٸ قاماۋعا الىنعانىن مەلٸمدەدٸ, بٸراق ولاردىڭ اراسىندا راحماتۋللونىڭ بار-جوعىن انىقتاپ ايتپادى.
