سيريادا رەسەيلىك اۋە شابۋىلىنان ءۇش تۇرىك ساربازى قازا تاپتى

Dalanews 10 اقپ. 2017 08:51 401



سيريادا رەسەيلىك اۋە شابۋىلىنىڭ ناتيجەسىندە ءۇش تۇرىك ساربازى قازا تاۋىپ، 11ء-ى جارالانعان. تۇركيادا جارىق كورەتىن Hurriyet Daily News گازەتىنىڭ حابارلاۋىنشا، وقيعا ەل-باب قالاسىندا ورىن العان. رەسەيلىك سنارياد تۇرىك ساربازدارى ورنالاسقان ۇيگە تۇسكەن.





رەسەيدىڭ قارۋلى كۇش باس شتابى رەسەيلىك شابۋىلداۋشىلار ەل-باب اۋدانىندا اسكەري تاپسىرمانى ورىنداۋ بارىسىندا تۇرىك ساربازدارى ورنالاسقان ۇيگە بايقاۋسىزدا شابۋىل جاسادى دەپ مالىمدەدى.

رەسەي پرەزيدەنتى ۆلاديمير پۋتين تۇركيا پرەزيدەنتى رەجەپ ەردوعانمەن تەلەفون ارقىلى سويلەسىپ، وقيعاعا بايلانىستى كوڭىل ايتقان.

كرەمل باسپا ءسوز قىزمەتىنىڭ حابارلاۋىنشا، تاراپتار سيريادا "يسلام مەملەكەتى" تەرروريستىك ۇيىمىنا قارسى شابۋىلدى كۇشەيتۋگە كەلىسكەن.



ۇسىنىلعان
سوڭعى جاڭالىقتار