جۋىردا اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ 90 جىلدىق مەرەيتويى اياسىندا ق ر ءبعم-نىڭ رەسپۋبليكالىق عىلىمي-پەداگوگيكالىق كىتاپحاناسى مەن  ۋنيۆەرسيتەتتىڭ عىلىمي كىتاپحاناسىنىڭ ۇيىمداستىرۋىمەن «سيفرلىق جاھاندانۋ كەزەڭىندەگى جوعارى وقۋ ورنى كىتاپحانالارىنىڭ دامۋ تەندەنسيالارى» تاقىرىبىندا جوعارى ءبىلىم بەرۋ كىتاپحانالارى باسشىلارى مەن قىزمەتكەرلەرىنە ارنالعان حالىقارالىق عىلىمي-پراكتيكالىق سەمينار ءوتتى.



سەميناردىڭ پلەنارلىق ءبولىمىن اشقان ۋنيۆەرسيتەتتىڭ وقۋ-ادىستەمەلىك جۇمىسى جونىندەگى پرورەكتورى عابيت كەنجەبايەۆ العى سوزىندە:

– جوعارى وقۋ ورىندارىن سيفرلاندىرۋ داۋىرىندە كىتاپحانالاردىڭ الاتىن ورنى ەرەكشە ەكەنىن اتاپ وتكىم كەلەدى. سەبەبى، كىتاپحانا اقپاراتتاردى جيناپ، ساقتاۋشى ورىن عانا ەمەس، وقىرمانداردى ءوز بەتىنشە ءبىلىم الۋعا، ءار ءتۇرلى اقپارات كوزدەرىمەن جۇمىس ىستەۋگە ۇيرەتەتىن، ولاردىڭ ىزدەنىس ارەكەتتەرىن، عىلىمي-زەرتتەۋ قىزمەتىن دامىتا وتىرىپ، ساۋاتتى پايدالانۋشىنى قالىپتاستىراتىن مەكەمە. سوندىقتان دا ءبىلىم الۋشىلاردى سيفرلىق اقپاراتتىق كەڭىستىكتە جەتەلەۋدە كىتاپحانا ءىسىنىڭ باسقالاردان وزىق تۇرۋى مىندەت دەپ ويلايمىن، – دەدى.

ق ر ءبعم-نىڭ رەسپۋبليكالىق عىلىمي-پەداگوگيكالىق كىتاپحاناسىنىڭ ديرەكتورى ايمان ناسىروۆا قاتىسۋشىلاردى سەميناردىڭ اشىلۋىمەن قۇتتىقتاپ، سيفرلىق الەمدەگى كىتاپحانالاردىڭ دامۋى تۋرالى «سيفرلىق جاћاندانۋ جاعدايىندا  جوعارى وقۋ ورىندارى كىتاپحانالارىنىڭ دامۋ ۇردىستەرى» تاقىرىبىندا بايانداما جاسادى.

– بۇگىندە بىزدەر سيفرلىق تەحنولوگيالاردىڭ بەلسەندى پايدالانۋشىلارىنا اينالۋدامىز. «سيفرلىق قازاقستان» مەملەكەتتىك باعدارلاماسى – ءبىلىم ەكونوميكاسىنا كوشۋدى قامتاماسىز ەتۋ ءۇشىن كرەاتيۆتى قوعام قۇرۋعا باعىتتالعان «ادامي كاپيتالدى دامىتۋ» باعىتى بويىنشا ىسكە اسىرۋ قازاقستاندىق جوعارى وقۋ ورىندارىنىڭ الدىنا مىندەتتەر قويىپ وتىر. ولار جاڭا بىلىمدەر مەن يننوۆاسيالاردى تۋىنداتۋ ورتالىقتارىنا اينالۋى، ەكونوميكانىڭ باسىم سەكتورلارىن بىلىكتى كادرلىق رەسۋرستارمەن قامتاماسىز ەتۋى، رۋحاني-ينتەلليگەنتتىك ەليتانى تاربيەلەۋى ءتيىس. وسى ستراتەگيالىق مىندەتتەردى شەشۋدە جوعارى وقۋ ورىندارى كىتاپحانالارى دا ماڭىزدى ورىن الادى، ولار جاڭا بۋىندى يننوۆاسيالىق كىتاپحانالار بولۋى ءتيىس.

ءسوز سوڭىندا قازاقستان رەسپۋبليكاسى جوعارى وقۋ ورنى كىتاپحانالارىنىڭ ۇزدىك قىزمەتكەرلەرىن، سولاردىڭ ىشىندە قازۇپۋ-دىڭ عىلىمي كىتاپحانا ديرەكتورى نۇرگۇل يمانسىدىقوۆاعا، كىتاپحانانىڭ ەكسپەرت مەنەدجەرى ءنايليا سەكسەنبايەۆاعا ءبىلىم جانە عىلىم مينيسترلىگىنىڭ گراموتاسىمەن ماراپاتتادى.

سەميناردىڭ پلەنارلىق بولىمدە ماسكەۋ مەملەكەتتىك مادەنيەت ينستيتۋتى مادەنيەتتى جانە ەلەكتروندىق كىتاپحانالاردى اقپاراتتاندىرۋ كافەدراسىنىڭ پروفەسسورى ۆاديم ستەپانوۆ (ماسكەۋ قالاسى)، قوجا احمەت ياساۋي اتىنداعى قازاق-تۇرىك ۋنيۆەرسيتەتىنىڭ پروفەسسورى توپلۋ مەحمەت، ك. كاراسايەۆ اتىنداعى بىشكەك گۋمانيتارلىق ۋنيۆەرسيتەتى عىلىمي كىتاپحاناسىنىڭ ديرەكتورى روزا تۋردۋكەيەۆا (بىشكەك قالاسى) بايانداما جاسادى.

حالىقارالىق عىلىمي-پراكتيكالىق سەميناردىڭ ديسكۋسسيالىق ماجىلىسىنە ق ر جوعارى وقۋ ورنى كىتاپحانالارىنىڭ باسشىلارى بەلسەنە قاتىسىپ، تاجىريبەلەرىمەن الماستى. جالپى سەمينار باعدارلاماسىنا مادەنيەت، ءبىلىم بەرۋ سالالارىنىڭ جانە رەسەي، قىرعىزستان، تۇركيا، جۇڭگو جانە قازاقستان جوعارى وقۋ ورنى كىتاپحانالارى باسشىلارىنىڭ 50-دەن استام باياندامالارى كىردى.

 

ريمما جانبايەۆا