اتىراۋ وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا تٶرت ادامدى ٶلتٸردٸ دەپ ايىپتالعان سۇلتان سەرسەمەليەۆ سوڭعى سٶزٸن سٶيلەدٸ, دەپ حابارلايدى dalanews.kz.
9 شٸلدەدە سوتتا جارىسسٶز باستالىپ, مەملەكەتتٸك ايىپتاۋشىلار ايىپتالۋشىنى قاۋٸپسٸزدٸگٸ بارىنشا جوعارى مەكەمەدە ٶمٸر بويىنا باس بوستاندىعىنان ايىرۋدى سۇرادى.
سۇلتان سەرسەمەليەۆ بۇرىنعى قايىن اتاسى ماقسوت قاراباليندٸ, قايىن ەنەسٸ ناسيپ ٶتەشقاليەۆانى, سونداي-اق, ولاردىڭ بالالارى - مەيرامگٷل قارابالينا مەن ناۋرىز مۇقانعاليەۆتٸ ٶلتٸردٸ دەپ ايىپتالىپ وتىر.
سوتتاعى سوڭعى سٶزٸندە سۇلتان سەرسەمەليەۆ ٶزٸنە قانداي جازا تاعايىندالسا دا, سونىڭ ٸشٸندە ٶمٸر بويىنا باس بوستاندىعىنان ايىرۋ جازاسىنا دا دايىن ەكەنٸن ايتتى. الايدا ول قىلمىستى "پايداكٷنەمدٸك ماقساتپەن جاسادى" دەگەن ايىپپەن كەلٸسپەيتٸنٸن جەتكٸزدٸ.
"ٶز قولىممەن جاساعان ٸسٸم ٷشٸن باسىممەن جاۋاپ بەرۋگە دايىنمىن. تەرگەۋدەن قاشقان جوقپىن جەنە ەدٸلدٸك الدىندا جاۋاپكەرشٸلٸكتەن دە قاشپايمىن. ٶمٸر بويىنا باس بوستاندىعىمنان ايىرۋ جازاسىنا دايىنمىن. بٸراق ولاردى اقشا ٷشٸن نەمەسە باسقا بٸر قىلمىستى جاسىرۋ ٷشٸن ٶلتٸردٸم دەپ ەشقاشان ايتا المايمىن", - دەدٸ سۇلتان سەرسەمەليەۆ.
