Atyraý oblysynyń qylmystyq ister jónindegi mamandandyrylǵan aýdanaralyq sotynda tórt adamdy óltirdi dep aiyptalǵan Sultan Sársemáliev sońǵy sózin sóiledi, dep habarlaidy dalanews.kz.
9 shildede sotta jaryssóz bastalyp, memlekettik aiyptaýshylar aiyptalýshyny qaýipsizdigi barynsha joǵary mekemede ómir boiyna bas bostandyǵynan aiyrýdy surady.
Sultan Sársemáliev burynǵy qaiyn atasy Maqsot Qarabalindi, qaiyn enesi Nasip Óteshqalievany, sondai-aq, olardyń balalary - Meiramgúl Qarabalina men Naýryz Muqanǵalievti óltirdi dep aiyptalyp otyr.
Sottaǵy sońǵy sózinde Sultan Sársemáliev ózine qandai jaza taǵaiyndalsa da, sonyń ishinde ómir boiyna bas bostandyǵynan aiyrý jazasyna da daiyn ekenin aitty. Alaida ol qylmysty "paidakúnemdik maqsatpen jasady" degen aiyppen kelispeitinin jetkizdi.
"Óz qolymmen jasaǵan isim úshin basymmen jaýap berýge daiynmyn. Tergeýden qashqan joqpyn jáne ádildik aldynda jaýapkershilikten de qashpaimyn. Ómir boiyna bas bostandyǵymnan aiyrý jazasyna daiynmyn. Biraq olardy aqsha úshin nemese basqa bir qylmysty jasyrý úshin óltirdim dep eshqashan aita almaimyn", - dedi Sultan Sársemáliev.
