سۋ تاسقىنىنان كەيىن قازاقستاندىق 202 وتباسى قيراعان باسپاناسىنىڭ ورنىنا تۇرعىن ءۇي مەن پاتەر الدى، - دەپ حابارلايدى Dalanews.kz ۇكىمەتتىڭ باسپا ءسوز قىزمەتىنە سىلتەپ.
ق ر ۇكىمەتى مەملەكەت باسشىسى قاسىم-جومارت توقايەۆتىڭ تاپسىرماسى بويىنشا بيىلعى كوكتەمدە ورىن العان اۋقىمدى سۋ تاسقىنىنان زارداپ شەككەن ازاماتتارعا كەلتىرىلگەن شىعىندى وتەۋ جۇمىستارىن جالعاستىرىپ جاتىر.
بۇگىنگى تاڭدا 24 641 وتباسى 9،3 ملرد تەڭگەدەن استام سوماعا 100 اەك مولشەرىندە ءبىرجولعى تولەم الدى. مال شىعىنى ءۇشىن بەرىلگەن مەملەكەتتىك كومەك كولەمى 1،3 ملرد تەڭگەدەن استى.
17 مامىرداعى جاعداي بويىنشا بۇگىندە 202 وتباسى قيراعان باسپاناسىنىڭ ورنىنا تۇرعىن ءۇي مەن پاتەرگە يە بولدى. اقتوبە، باتىس قازاقستان، سولتۇستىك قازاقستان جانە پاۆلودار وبلىستارىندا زارداپ شەككەن ازاماتتارعا ارنالعان 658 جاڭا ءۇي سالىنىپ جاتىر.
سونىمەن قاتار، 596 وتباسىنا 878 ملن تەڭگەدەن استام سوماعا تۇرعىن ءۇيدى جوندەۋگە جانە قالپىنا كەلتىرۋگە وتەماقى تولەندى. زارداپ شەككەن وڭىرلەردە بارلىعى 10 740 تۇرعىن ءۇي تەكسەرىلىپ، 8 168 نىسان بويىنشا باعالاۋ جۇرگىزىلدى.
كەلتىرىلگەن زياندى وتەۋ جۇمىستارى جالعاسۋدا جانە ۇكىمەتتىڭ قاتاڭ باقىلاۋىندا. ق ر پرەزيدەنتىنىڭ تاپسىرماسى بويىنشا زارداپ شەككەن ازاماتتاردىڭ بارلىعىنا جان-جاقتى كومەك پەن قولداۋ كورسەتىلەدى.
