ونىڭ ايتۋىنشا ەگەر ستۋدەنت بۇعان دەيىن بەلگىلى ءبىر جەردە تۇراقتى نەمەسە ۋاقىتشا جۇمىس اتقارعان بولسا، تابىسىنان ايىرىلعان ازامات رەتىندە الەۋمەتتىك كومەك الۋعا ءوتىنىش بەرە الادى.
"ولار (ستۋدەنتتەر، رەد.) دا وسى ەلدىڭ ازاماتتارى. ەلىمىزدىڭ ەڭبەك كودەكسىنە ساي 16 جاستان باستاپ جۇمىس ىستەۋگە بولادى.
ول ستيپەنديا الا ما، الماي ما، الەۋمەتتىك تولەمدى قاراستىرۋ كەزىندە بۇل ەسەپكە الىنبايدى. ستۋدەنتتەردىڭ جۇمىس ىستەۋىنە ابدەن بولادى، ولاردىڭ تابىس تابۋىنا ەشكىم كەدەرگى كەلتىرمەيدى.
ستۋدەنتتەردىڭ كوپشىلىگى جۇمىس ىستەيدى دە. كەيبىرەۋلەرىنىڭ تۇراقتى جۇمىسى بار، ال ەندى ءبىرى ءدامحانالاردا داياشى، پيسسا تاسۋشى رەتىندە ۋاقىتشا جۇمىسقا ورنالاسقان"، – دەيدى ءبىرجان نۇرىمبەتوۆ.
مينيستر اتاپ وتكەندەي ءازىر ءاربىر قازاقستاندىق وسى ءبىر توتەنشە جاعداي تۇسىندا تابىسىنان ايىرىلدى ما، جوق پا، سول جاعىن ساراپتان وتكىزۋى كەرەك. تابىسىنان ايىرىلعان جاعدايدا ءبىرىڭعاي جيىنتىق تولەمدى وتەپ، 42 500 تەڭگەنى الا الادى.
