Stýdentter 42 500 teńgeni qandai jaǵdaida alady? - ministr jaýap berdi
Onyń aitýynsha eger stýdent buǵan deiin belgili bir jerde turaqty nemese ýaqytsha jumys atqarǵan bolsa, tabysynan aiyrylǵan azamat retinde áleýmettik kómek alýǵa ótinish bere alady.
"Olar (stýdentter, red.) da osy eldiń azamattary. Elimizdiń Eńbek kodeksine sai 16 jastan bastap jumys isteýge bolady.
Ol stipendiia ala ma, almai ma, áleýmettik tólemdi qarastyrý kezinde bul esepke alynbaidy. Stýdentterdiń jumys isteýine ábden bolady, olardyń tabys tabýyna eshkim kedergi keltirmeidi.
Stýdentterdiń kópshiligi jumys isteidi de. Keibireýleriniń turaqty jumysy bar, al endi biri dámhanalarda daiashy, pitstsa tasýshy retinde ýaqytsha jumysqa ornalasqan", – deidi Birjan Nurymbetov.
Ministr atap ótkendei ázir árbir qazaqstandyq osy bir tótenshe jaǵdai tusynda tabysynan aiyryldy ma, joq pa, sol jaǵyn saraptan ótkizýi kerek. Tabysynan aiyrylǵan jaǵdaida birińǵai jiyntyq tólemdi ótep, 42 500 teńgeni ala alady.
