حالىقارالىق جاستار كٷنٸ شىعىس قازاقستان وبلىسىنىڭ ەكٸمٸ نۇرىمبەت ساقتاعانوۆ جامبىل جاباەۆ اتىنداعى ساياباقتا ٶڭٸر جاستارىمەن كەزدەستٸ. قاتىسۋشىلار سپورت, ۆولونتەرلٸك, ەكولوگييا, تەحنولوگييا, مەدەنيەت, كٸتاپ وقۋ جەنە وبلىستا جٷزەگە اسىرعىسى كەلەتٸن جوبالار تۋرالى ەڭگٸمەلەستٸ, دەپ حابارلايدى dalanews.kz.
كەزدەسۋگە تٷرلٸ سالانىڭ 30 ٶكٸلٸ شاقىرىلدى. جاستار ۇيىمدارى اتىنان وبلىستىق جاستار رەسۋرستىق ورتالىعىنىڭ ديرەكتورى ايدوس ەدٸلبەكوۆ, قازاقستان رەسپۋبليكاسى پرەزيدەنتٸ جانىنداعى جاستار ساياساتى جٶنٸندەگٸ كەڭەستٸڭ مٷشەسٸ ەرٸ «ۇلاعات» جاستار قوعامدىق بٸرلەستٸگٸنٸڭ تٶراعاسى باقىتجان ەربول, سونداي-اق «كازتسينك» جشس جانىنداعى جۇمىسشى جاستار كەڭەسٸنٸڭ جەتەكشٸسٸ جانسايا جانبولاتوۆا قاتىستى.
ديالوگقا «دارىن» مەملەكەتتٸك جاستار سىيلىعىنىڭ لاۋرەاتى مەرۋەرت ۋتەگەنوۆا, جاس كەسٸپكەر سابينا مەلس, Oskemen Hub مەنەدجەرٸ مادييار مولداكانوۆ, Shygys Creative Hub بٶلٸمٸنٸڭ باسشىسى راحات سارسەمبەكوۆ جەنە «تەۋەلسٸزدٸك ۇرپاقتارى» گرانتىنىڭ جەڭٸمپازى داستان بۋيتكەنوۆ تە قاتىستى.
سپورت سالاسىن جەڭٸل اتلەتيكادان U23 جاستار اراسىنداعى قازاقستان چەمپيوناتىنىڭ قولا جٷلدەگەرٸ جاسمين بەگالينوۆا, «ساردار» جەكپە-جەك مەكتەبٸنٸڭ نەگٸزٸن قالاۋشى ەرٸ اعا جاتتىقتىرۋشىسى ەرزات ساكابانوۆ جەنە «Berel» ۆولەيبول كلۋبىنىڭ باسپاسٶز حاتشىسى يسلام مۋحامەدۋاليەۆ تانىستىردى.
قاتىسۋشىلار اراسىندا مۋزىكانت ەرٸ جەكە ترەكتەردٸڭ اۆتورى رادمير تۋرسۋنبەكوۆ, سۋرەتشٸ جەنە مٷسٸنشٸ كريستينا زۆورىگينا, «وقىرمان» ەدەبي-جاستار كلۋبىنىڭ تٶراعاسى راسۋل يديياتوۆ جەنە ورالحان بٶكەي اتىنداعى ورتالىق قالالىق كٸتاپحانانىڭ مەدەني-بٸلٸم بەرۋ باعدارلامالارى بٶلٸمٸنٸڭ مەڭگەرۋشٸسٸ رۋسلان بابيروۆ بولدى.
كەزدەسۋدە ۆولونتەرلٸك قوزعالىسقا جەكە بٶلٸم ارنالدى. وعان وبلىستىق ۆولونتەرلەر فرونت-وفيسٸنٸڭ جەتەكشٸسٸ انەل شاريپجانوۆا, «ٶسكەمەن اسار» جوباسىنىڭ جەتەكشٸسٸ ەرٸ اۆتوۆولونتەرلەر قوزعالىسىنىڭ ٶكٸلٸ تاتيانا دەمەنتەۆا, «جىل ۆولونتەرٸ» نوميناتسيياسىنىڭ جەڭٸمپازى ارنا اردانبەكقىزى جەنە وبلىستىق فرونت-وفيستٸڭ ۆولونتەرٸ نازىم ارىنگازينوۆا قاتىستى. ەكولوگييالىق باعىتتى «چيستىە يگرى» جوباسىنىڭ ۇيىمداستىرۋشىسى اناستاسييا چەرنوماز تانىستىردى.
نۇرىمبەت ساقتاعانوۆ قاتىسۋشىلاردى حالىقارالىق جاستار كٷنٸمەن قۇتتىقتاپ, ەلدٸڭ ودان ەرٸ دامۋ باعىتىن ايقىندايتىن دەل وسى جاس ۇرپاق ەكەنٸن اتاپ ٶتتٸ. ونىڭ ايتۋىنشا, قازاقستاننىڭ بولاشاعى بٷگٸنگٸ جاستاردىڭ بٸلٸمٸنە, مٸنەزٸ مەن جەكە قاسيەتتەرٸنە بايلانىستى. ٶڭٸر باسشىسى پرەزيدەنتتٸڭ جاستاردى دامىتۋ مەن قولداۋعا ەرەكشە كٶڭٸل بٶلەتٸنٸن دە ايتتى.
ەكٸم كەزدەسۋدٸڭ باسىندا-اق شەنەۋنٸكتەر اتقارىلعان جۇمىستار تۋرالى باياندايتىن, ال قاتىسۋشىلار تەك تىڭداپ وتىراتىن قالىپتى فورماتتان باس تارتۋدى ۇسىندى.
– بٷگٸن اتقارىلعان جۇمىس تۋرالى كەزەكتٸ ەسەپ ەمەس, اشىق ەرٸ ەدٸل ديالوگ بولعانىن قالايمىن, – دەدٸ نۇرىمبەت ساقتاعانوۆ.
ول جاستاردى جوسپارلارى, جٷزەگە اسىرىپ جٷرگەن جوبالارى مەن كەزدەسەتٸن مەسەلەلەرٸ تۋرالى اشىق ايتۋعا شاقىردى. ٶڭٸر باسشىسىنىڭ سٶزٸنشە, قاي باعدارلامالاردىڭ تيٸمسٸز جۇمىس ٸستەپ جاتقانىن, نەنٸ ٶزگەرتۋ قاجەت ەكەنٸن جەنە قانداي باعىتتارعا قوسىمشا قولداۋ كەرەكتٸگٸن انىقتاۋ ماڭىزدى.
– سٸزدەردٸڭ نەمەن تىنىستاپ جٷرگەندەرٸڭٸزدٸ, بويلارىڭىزدان قانداي قۋات سەزٸلەتٸنٸن, قانداي جوسپارلارىڭىز بار ەكەنٸن ەستٸپ, مۇقييات تىڭداعىم كەلەدٸ, – دەدٸ ەكٸم.
كەزدەسۋدەگٸ نەگٸزگٸ تاقىرىپتاردىڭ بٸرٸ سپورت بولدى. قاتىسۋشىلار جاستاردىڭ ٶسكەمەننٸڭ سپورتتىق جەنە قوعامدىق ٶمٸرٸنە قوسىپ جٷرگەن ٷلەسٸ, سالاۋاتتى ٶمٸر سالتىن ناسيحاتتاۋ جەنە جارىستاردىڭ ماڭىزى تۋرالى ايتتى. ولاردىڭ پٸكٸرٸنشە, سپورت ادامعا مەدال مەن جاقسى دەنە دايىندىعىنان ەلدەقايدا كٶپ نەرسە بەرەدٸ. ول تەرتٸپكە, ٶزٸڭمەن جۇمىس ٸستەۋگە, جەڭٸلٸستٸ قابىلداپ, قايتا تۇرىپ, العا قويعان ماقساتقا قاراي جٷرۋگە ٷيرەتەدٸ. سونداي-اق تەك دەنە كٷشٸن ەمەس, رۋحتىڭ بەرٸكتٸگٸن دە دامىتۋ قاجەتتٸگٸ ايتىلدى. مۇنداي قاسيەتتەر جەكە جەتٸستٸككە جەتۋ ٷشٸن دە, ەلدٸڭ دامۋى ٷشٸن دە قاجەت.
ەڭگٸمەدە ۆولونتەرلٸك پەن قوعامدىق بەلسەندٸلٸككە دە كٶپ كٶڭٸل بٶلٸندٸ. قاتىسۋشىلار وبلىستىق ۆولونتەرلەر فرونت-وفيسٸنٸڭ جۇمىسى, قالالىق, وبلىستىق جەنە رەسپۋبليكالىق اكتسييالاردىڭ ماڭىزى تۋرالى باياندادى. مۇنداي قىزمەت جاستارعا مەسەلەنٸ بٸرەۋ كەلٸپ شەشكەنشە كٷتٸپ وتىرماي, قوعامدىق جۇمىسقا ٶزدەرٸ ارالاسىپ, ادامدارعا كٶمەكتەسۋگە مٷمكٸندٸك بەرەدٸ.
ەكولوگييالىق جوبالار دا تالقىلاندى. قاتىسۋشىلار مىسال رەتٸندە جارتاستاردى ۆاندالدىق جازۋلاردان تازارتۋ اكتسييالارىن اتادى. مۇنداي باستامالار تابيعي نىسانداردى ساقتاۋعا كٶمەكتەسەدٸ ەرٸ تاسقا اتىن جازىپ قالدىرعىسى كەلەتٸندەرگە قولىنداعى بوياۋ باللونى ەشكٸمدٸ ەلٸ سۋرەتشٸ ەتپەگەنٸن ەسكە سالادى.
ستارتاپتار, تسيفرلىق تەحنولوگييالار جەنە جاساندى ينتەللەكت تاعى بٸر ماڭىزدى باعىتقا اينالدى. جاستار شىعىس قازاقستانداعى تەحنولوگييالىق سالانى دامىتۋ, جاڭا جوبالاردى قولداۋ جەنە ٶز باستاماسىن ٸسكە قوسۋعا دايىن ادامدارعا جاعداي جاساۋ مەسەلەلەرٸن كٶتەردٸ. قاتىسۋشىلاردىڭ پٸكٸرٸنشە, ٶڭٸر تسيفرلىق ٶزگەرٸستەردٸ سىرتتاي باقىلاپ قانا وتىرماي, ماماندار دايارلاپ, ٶزٸنٸڭ تەحنولوگييالىق شەشٸمدەرٸن دامىتۋى كەرەك.
ەڭگٸمە شىعارماشىلىق پەن مەدەنيەتتٸ دە قامتىدى. قاتىسۋشىلار مۋزىكانتتار, سۋرەتشٸلەر, مٷسٸنشٸلەر جەنە كرەاتيۆتٸ سالانىڭ ٶزگە ٶكٸلدەرٸ ٷشٸن جاسالاتىن مٷمكٸندٸكتەردٸ تالقىلادى. قازاقستاندىق فولكلورعا نەگٸزدەلگەن جوبالارعا, سونداي-اق جاس ٶنەرپازداردىڭ شىعىس قازاقستاندى تانىستىرا الاتىن ٸس-شارالارعا قاتىسۋىنا ەرەكشە نازار اۋدارىلدى.
كٸتاپ پەن بٸلٸم مەسەلەسٸ دە نازاردان تىس قالمادى. جاستار بالالاردىڭ كٸتاپ وقۋعا قىزىعۋشىلىعىن ارتتىرۋ, بٸلٸم بەرۋ شەبەرلٸك ساباقتارىن ٶتكٸزۋ جەنە شىعارماشىلىقپەن اينالىساتىن الاڭدار اشۋ قاجەتتٸگٸن ايتتى. قاتىسۋشىلاردىڭ پٸكٸرٸنشە, ەدەبيەتكە, جازۋعا جەنە ٶز بەتٸنشە ويلاۋعا دەگەن سٷيٸسپەنشٸلٸكتٸ بالا كەزدەن قالىپتاستىرۋ ماڭىزدى.
– سوندىقتان بٷگٸن ٶزٸم از سٶيلەپ, سٸزدەردٸ كٶبٸرەك ەرٸ مۇقييات تىڭداعىم كەلەدٸ, – دەدٸ نۇرىمبەت ساقتاعانوۆ.
ەڭگٸمە جالپى ۇسىنىستارمەن عانا شەكتەلگەن جوق. بٸرقاتار باستاما بويىنشا ەكٸم جاۋاپتى مەملەكەتتٸك ورگاندار مەن وبلىستىق باسقارمالارعا بٸردەن تاپسىرما بەردٸ. ەندٸ ولار ايتىلعان يدەيالاردى زەردەلەپ, كٶتەرٸلگەن مەسەلەلەردٸ پىسىقتاۋى تيٸس.
بەيرەسمي كەزدەسۋگە اۋا رايى دا توسىننان ارالاستى. بٸر مەزەتتە جاڭبىر باستالىپ, ەڭگٸمە ٷزٸلە جازدادى. الايدا نۇرىمبەت ساقتاعانوۆ جاستارمەن سۇحباتتى اعاشتاردىڭ استىندا جالعاستىردى.
كەزدەسۋ سوڭىندا جاستارعا ابايدىڭ كٸتاپتارى تابىستالدى. بۇل سىيلىق باسقوسۋدا كٶتەرٸلگەن بٸرنەشە تاقىرىپتى بٸر ارناعا توعىستىردى. ولار – كٸتاپ وقۋ, مەدەنيەت, بٸلٸم, ٶزٸن-ٶزٸ دامىتۋ جەنە بەرٸك مٸنەز قالىپتاستىرۋ.
