سوتقا ارىزدانعان مۇعالٸم جەڭٸسكە جەتتٸ
ازاتتىق تٸلشٸسٸنٸڭ حابارلاۋىنشا, سۋديا ايگٷل جاڭبىرباەۆا ساعيدۋللاەۆانىڭ شاعىمىن قاناعاتتاندىرىپ, مەكتەپ ديرەكتورىنىڭ مۇعالٸمگە "پەداگوگيكالىق ەدەپ ساقتامادى" دەپ بەرگەن ەسكەرتۋٸنٸڭ كٷشٸ جويىلسىن دەگەن شەشٸم شىعاردى. سۋديا شەشٸمدٸ قىسقاشا عانا وقىدى.
سوت شەشٸمٸ شىققان سوڭ ازاتتىق تٸلشٸسٸ ديرەكتور نٷسٸپبەكوۆانىڭ شەشٸمگە قاتىستى پٸكٸرٸن بٸلمەك بولعان. بٸراق نٷسٸپبەكوۆا شەشٸمدٸ "تالقىلاۋعا جاتپايدى" دەپ قىسقا قايىردى.
ايمان ساعيدۋللاەۆا سوت شەشٸمٸنە ريزا ەكەنٸن بٸلدٸردٸ.
الماتى وبلىسى قاراساي اۋدانى جاڭاتۇرمىس اۋىلى مەكتەبٸندە قازاق تٸلٸ پەنٸنەن ساباق بەرەتٸن مۇعالٸم ايمان ساعيدۋللاەۆا 2015 جىلى مەكتەپ ۇستازدارىنا تٸكەلەي مٸندەتتەرٸنەن باسقا دا ارتىق جۇمىستار جٷكتەلەتٸنٸ جٶنٸندە مەسەلە كٶتەرٸپ تانىلعان ەدٸ. ونىڭ ەلەۋمەتتٸك جەلٸدەگٸ جازبالارى مەن باق-تاعى ماقالالارىنان كەيٸن ەلەۋمەتتٸك جەلٸ قولدانۋشىلارى سول تۇستاعى بٸلٸم جەنە عىلىم مينيسترٸ اسلان سەرٸنجٸپوۆتٸ مۇعاليمانى قۋدالاۋدى توقتاتۋعا ىقپال ەتۋگە شاقىرىپ, اشىق حات جازىپ, قول جيناعان.
ايمان ساعيدۋللاەۆا بيىل مامىردىڭ 19-ىندا مەكتەپ ديرەكتورى بەكجان نٷسٸپبەكوۆانىڭ ٶزٸنە «ەدەپ ساقتاماعانى ٷشٸن» بەرگەن ەسكەرتۋٸمەن كەلٸسپەي, سوتقا شاعىمدانعان. ەسكەرتۋ «2016 جىلى مامىردىڭ 19-ى كٷنٸ مەكتەپ اياسىندا رايىمبەك وكرۋگٸنٸڭ اقساقالدار كەڭەسٸ مٷشەلەرٸنٸڭ كەزەكتەن تىس كەزدەسۋٸ بارىسىندا پەداگوگيكالىق ەدەپ قاعيدالارىن ساقتاماعانى ٷشٸن» بەرٸلگەن. ساعيدۋللاەۆا سوتتان ول ەسكەرتۋدٸ زاڭسىز دەپ تانۋدى سۇراعان.
دەرەككٶز: "ازاتتىق"
