ق ر مادەنيەت جانە اقپارات مينيسترلىگى «ماسس-مەديا تۋرالى» زاڭدى ازىلەپ دايىنداعانىن جۇرتشىلىق جاقسى بىلەدى. بۇگىن ۆەدموستۆا باسشىسى ايدا بالايەۆا ءوزىنىڭ الەۋمەتتىك جەلىدەگى پاراقشاسىندا وسى زاڭ بويىنشا اككرەديتاتسيالاۋ ماسەلەسى بويىنشا كەڭىنەن تۇسىنىكتەمە بەردى.

بۇگىندە كاسىبي مەديا قاۋىمداستىعى
«ماسس-مەديا تۋرالى» زاڭدى ىسكە اسىرۋ ماقساتىندا ازىرلەنگەن اككرەديتاسيالاۋدىڭ ۇلگىلىك قاعيدالارى جوباسىن قىزۋ تالقىلاۋدا. وسىعان وراي ونىڭ كەيبىر تۇستارىن ناقتىلاي كەتكىم كەلەدى.

جالپى اتالعان قۇجات جوباسى قولدانىستاعى ەرەجەلەرمەن سالىستىرعاندا اسا كوپ وزگەرمەگەن.
مىسالى، اككرەديتتەۋدەن باس تارتۋ نەگىزدەرى تۋرالى ەرەجەلەرگە توقتالساق. بۇل باق-تىڭ جۇمىس ىستەۋىن ۋاقىتشا توقتاتۋ نەمەسە مۇلدەم جابۋ جانە رەسمي رەەستردە تىركەلمەگەنى تۋرالى سوت شەشىمى كۇشىنە ەنگەن جاعدايدا ىسكە اسادى.

ودان وزگە، جۋرناليستتەر اراسىندا ەڭ كوپ سۇراق تۋدىرعان ەرەجەنىڭ 10-تارماعىنا، اتاپ ايتقاندا ب ا ق وكىلدەرىنىڭ قانداي تالاپتاردى ساقتاۋى كەرەكتىگىنە توقتالامىن.

بىرىنشىدەن، كەز-كەلگەن جۋرناليست قاي ب ا ق اتىنان اككرەديتاسيادان وتسە، سول رەداكسياعا عانا اقپاراتتى جيناپ، جاريالاي الادى. الايدا جۋرناليستكە بىردەن بىرنەشە ب ا ق اتىنان اككرەديتاسيا الۋعا ەشكىم تيىم سالمايدى.

ەكىنشىدەن، بۇل تالاپ بەلگىلى ءبىر وقيعاعا/ءىس-شاراعا قاتىستى جۋرناليستەردىڭ جەكە پىكىرلەرى مەن ۇستانىمدارىن الەۋمەتتىك جەلىلەردەگى جەكە اككاۋنتتارىندا بىلدىرۋگە قاتىسى جوق.

ۇشىنشىدەن، رەگلامەنت ماسەلەسىنە كەلەتىن بولساق، قولدانىستاعى ەرەجەلەردە ءقازىردىڭ وزىندە ءىس-شاراعا قاتىسۋشىلاردىڭ تاقىرىپتى، ۋاقىت ءتارتىبىن، قوعامدىق ءتارتىپتى ساقتاۋىن جۇرگىزۋشى (ياعني، ءىس-شارا مودەراتورى) قامتاماسىز ەتەتىنى قاراستىرىلعان.

اقش پەن ەۋروپالىق وداقتىڭ جانە حالىقارالىق ۇيىمداردىڭ حالىقارالىق تاجىريبەسى كورسەتكەندەي، بەلگىلەنگەن ەرەجەلەردى، سونداي-اق زاڭنامانى بۇزعان جاعدايدا جۋرناليست ءىس-شارالارعا قاتىسۋ قۇقىعىنان جانە اككرەديتاسيادان ايىرىلادى. مىسالى، ەۋروپارلامەنتتەگى ب ا ق قىزمەتىن رەتتەيتىن ەرەجەدە تۇسىرىلىمگە رۇقسات ەتىلگەن ارنايى ورىندار قاتاڭ تۇردە بەلگىلەنگەن.

تورتىنشىدەن، ەرەجەدە ءاربىر مەملەكەتتىك ورگاننىڭ نەمەسە ۇيىمنىڭ بەلگىلى ءبىر ءىس-شارانىڭ رەگلامەنتىن ءوزى بەكىتەتىندىگى كورسەتىلگەن. بۇل رەتتە مينيسترلىك ۋاكىلەتتى ورگان رەتىندە اقپاراتقا قولجەتىمدىلىك قاعيداتتارىن جانە جۋرناليستەردىڭ ەرەكشە مارتەبەسىن ساقتاۋ ماسەلەلەرى بويىنشا اتالعان رەگلامەنتتى ازىرلەۋ بويىنشا ءتيىستى ۇسىنىستارىن جىبەرەتىن بولادى.

بەسىنشىدەن، ەرەكشە ماڭىزدى مەملەكەتتىك وبەكتىلەرگە كىرۋ جانە سول مەكەمەلەردەگى رەجيمدەردى ۇستانۋ دا قولدانىستاعى زاڭنامانى ساقتاۋ مەن قاۋىپسىزدىكتىڭ اينىماس بولىگى بولىپ تابىلادى.

قورىتىندىلاي كەلە، اقپاراتقا قولجەتىمدىلىكتى قامتاماسىز ەتۋ مەن جۋرناليستەردىڭ مارتەبەسىن ارتتىرۋ – ءارقاشان مينيسترلىك قىزمەتىنىڭ باستى باسىمدىعى ەكەنىن تاعى دا جەتكىزگىم كەلەدى.