استانا قالاسىندا جەكە سوت ورىنداۋشى ازاماتتىڭ بالاسىنا جٸبەرگەن اليمەنتٸن ٶز بالاسىنىڭ شوتىنا اۋدارىپ وتىرعان, دەپ حابارلايدى Dalanews.kz.
استانا قالاسىنىڭ پروكۋراتۋراسى حابارلاعانداي, وقيعا نۇرا اۋدانىندا بولعان. بۇندا جەكە سوت ورىنداۋشى بورىشكەردٸڭ اقشاسىن بالانىڭ اناسىنىڭ ەسەپشوتىنا ەمەس, ٶز ۇلىنىڭ شوتىنا اۋدارعانى انىقتالدى.
"جەكە سوت ورىنداۋشىسىنىڭ اليمەنت تٶلەۋگە ارنالعان 1 ملن تەڭگەدەن استام اقشانى جىمقىرۋ فاكتٸسٸ بويىنشا قىلمىستىق ٸس تٸركەلدٸ. انىقتالعانداي, جەكە سوت ورىنداۋشى بٸر جىل بويى بورىشكەردٸڭ اقشاسىن جاس بالانىڭ اناسىنىڭ ورنىنا ٶز ۇلىنىڭ شوتىنا اۋدارعانى انىقتالدى", - دەپ حابارلايدى استانا قالاسىنىڭ پروكۋراتۋراسى.
قازٸر جەكە سوت ورىنداۋشىسىنا قاتىستى «قىزمەتتٸك ٶكٸلەتتٸگٸن اسىرا پايدالانعانى» ٷشٸن قوزعالعان قىلمىستىق ٸس سوتقا جولداندى.
