سوت ەكاتەرينا بيۆولدى اكىمشىلىك جاۋاپكەرشىلىككە تارتتى، دەپ حابارلايدى Dalanews.kz.
وعان 60 ساعات مىندەتتى قوعامدىق جۇمىس جازاسى تاعايىندالدى. بۇل تۋرالى سانكت-پەتەربۋرگ سوتتارىنىڭ بىرىككەن باسپا ءسوز قىزمەتى حابارلادى.
لينگۆيستيكالىق ساراپتاما قورىتىندىسىنا سايكەس ەكاتەرينا بيۆولدىڭ ايتقان سوزدەرىندە قورلاۋ، بەيادەپ لەكسيكا، سونداي-اق، ادامداردىڭ ءبىر توبىنىڭ ەكىنشى ءبىر توپتان ۇلتتىق جانە "گەنەتيكالىق" بەلگىسى بويىنشا "ارتىقشىلىعىن" مەڭزەيتىن تۇجىرىمدار انىقتالعان.
سوت وسى دەرەكتى نەگىزگە الا وتىرىپ، اكىمشىلىك جازا قولدانۋ تۋرالى شەشىم شىعاردى.
ەسكە سالايىق، بۇعان دەيىن قازاقستان ءىىم بوكسشى دميتريي بيۆولدىڭ بۇرىنعى جۇبايى ەكاتەرينا بيۆولعا ىزدەۋ جاريالادى.
