ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ تاياۋ شىعىس ەلدەرىنە ساياحاتتاعىسى كەلەتىن ازاماتتارعا ەسكەرتۋ جاسادى، دەپ حابارلايدى Dalanews.kz.
“تاياۋ شىعىس ەلدەرىنە تۋريستىك ماقساتپەن بارۋدى جوسپارلاپ جۇرگەن ازاماتتارىمىزعا ايتارىمىز: قازىرگى گەوساياسي جاعدايدى ەسكەرە وتىرىپ، ونداي ساپارلار تۋرالى جاقسىلاپ ويلانىپ، جاۋاپكەرشىلىكتى ءوز مويىندارىڭىزعا الۋلارىڭىزدى سۇرايمىز. جاعداي كۇردەلەنسە، ەۆاكۋاسيا كەزىندە قيىندىقتار تۋىنداۋى مۇمكىن. ، - دەدى مينيسترلىكتىڭ رەسمي وكىلى ايبەك سمادياروۆ ۆەدومستۆودا وتكەن باسپا ءسوز كونفەرەنسياسىندا.
ەسكە سالايىق، 13 ماۋسىمعا قاراعان ءتۇنى يزرايل يرانعا قارسى اۋقىمدى اۋە وپەراسياسىن باستادى. تەگەران ماڭىنداعى كەمىندە التى اسكەري نىسانعا سوققى جاسالدى.
تاياۋ شىعىستاعى جاعدايدىڭ ۇشىعۋىنا بايلانىستى قازاقستاننىڭ تەل-اۆيۆتەگى ەلشىلىگى يزرايلدەگى بارلىق قازاقستان ازاماتتارىنا تىل قولباسشىلىعىنىڭ نۇسقاۋلارىن (https://www.oref.org.il/ru) ساقتاۋعا، قاۋىپسىزدىك شارالارىن بارىنشا كۇشەيتۋدى، ساقتىق پەن قىراعىلىق تانىتۋدى، سوڭعى جاڭالىقتاردى قاداعالاۋدى، سونداي-اق قازاقستان ەلشىلىگىمەن بايلانىستا بولۋدى سۇرايدى.
يزرايلدەگى قازاقستان ازاماتتارى ءۇشىن جەدەل جەلى تەلەفون نومىرلەرى:
قازاقستاننىڭ يزرايلدەگى ەلشىلىگىنىڭ بايلانىس نومىرلەرى:
+972 (3) 503 78 85 (كەزەكشى)
+972 53 635 19 83 (ۇيالى تەلەفون، WhatsApp)
+972 55 273 38 13 (ۇيالى تەلەفون، WhatsApp)
+7 700 111 31 96 (WhatsApp)
