بۇگىندە باسقارمانىڭ نەگىزگى مىندەتتەرى:
- اگرارلىق ساياساتتىڭ نەگىزگى باعىتتارىن ىسكە اسىرۋ جانە وسى نەگىزدە وبلىس اۋماعىندا اگروونەركاسىپتىك كەشەندى دامىتۋدىڭ پەرسپەكتيۆالارى مەن ۇردىستەرىن ايقىنداۋ؛
- نارىقتىق ينفراقۇرىلىمدى قالىپتاستىرۋعا جاردەمدەسۋ، وبلىستا ءبىرىڭعاي قارجى-ينۆەستيسيالىق ساياساتتى جۇرگىزۋ؛
- اۋىل شارۋاشىلىعى تاۋارىن وندىرۋشىلەر مەن تاماق جانە قايتا وڭدەۋ ونەركاسىبى كاسىپورىندارىنا ءونىمدى وتكىزۋ جانە جابدىقتاۋ بويىنشا نارىقتىق ورتا قۇرۋعا جاردەمدەسۋ.
2019 جىلدان باستاپ اۋىل شارۋاشىلىعى تاۋارىن وندىرۋشىلەردى سۋبسيديالاۋ بويىنشا بارلىق مەملەكەتتىك قىزمەتتەر QOLDAU.KZ ەلەكتروندىق-سيفرلىق قولتاڭبانى پايدالانا وتىرىپ ەلەكتروندىق تۇردە اقپاراتتىق جۇيە ارقىلى كورسەتىلەدى.
باسقارما 2020 جىلدىڭ جەلتوقسان ايىندا شقو بويىنشا 2020 جىلعا ارنالعان سىبايلاس جەمقورلىققا قارسى ءىس-قيمىل جونىندەگى ءىس-شارالار جوسپارىنا سايكەس سىبايلاس جەمقورلىق تاۋەكەلدەرىنە ىشكى تالداۋ جۇرگىزدى. سونداي-اق، باسقارمادا سىبايلاس جەمقورلىققا قارسى ءىس-قيمىل بويىنشا ءتۇسىندىرۋ جۇمىستارى تۇراقتى تۇردە جۇرگىزىلەدى.
– 2020 جىلدىڭ قورىتىندىسى بويىنشا شقو اۋىل شارۋاشىلىعى باسقارماسى 33 567 079 مىڭ تەڭگەنى (جوسپاردىڭ 100%-ىن) يگەردى. 2021 جىلعا 24 673 303 مىڭ تەڭگە جوسپارلانعان، اعىمداعى جىلدىڭ 1ء-شى مامىر كۇنىنە دەيىن 6 741 390،6 مىڭ تەڭگە كەلەسى باعدارلامالار بويىنشا يگەرىلدى: «جەرگىلىكتى دەڭگەيدە اۋىل شارۋاشىلىعى سالاسىنداعى مەملەكەتتىك ساياساتتى ىسكە اسىرۋ جونىندەگى قىزمەتتەر، تۇقىم شارۋاشىلىعىن دامىتۋدى سۋبسيديالاۋ»، «اۋىل شارۋاشىلىعى تاۋارىن وندىرۋشىلەرگە سۋ جەتكىزۋ بويىنشا كورسەتىلەتىن قىزمەتتەردىڭ قۇنىن سۋبسيديالاۋ»، «تىڭايتقىشتار (ورگانيكالىق تىڭايتقىشتاردى قوسپاعاندا) قۇنىن سۋبسيديالاۋ)» جانە تاعى باسقا باعدارلامالار، – دەيدى باسقارما باسشىسى.
قازىرگى ۋاقىتتا مەملەكەتتىك ساتىپ الۋلار جىلدىق جوسپاردىڭ مەرزىمىنە سايكەس جۇرگىزىلىپ، ولاردىڭ قورىتىندىلارى جەتكىزۋشىلەرمەن شارتتار بويىنشا جاسالادى.
