– ەندى وسكەمەن جانە سەمەي مامانداندىرىلعان حقو-تارىندا جۇرگىزۋشى كۋالىگىن الۋ ءۇشىن تەوريالىق ەمتيحان تاپسىرۋ كەزىندە بيومەتريالىق جۇيە پايدالانىلاتىن بولادى. ياعني، ادام بەت-الپەتى تانىلاتىن بولادى. بۇل قانداي دا ءبىر الاياقتىق ارەكەتتەردىڭ الدىن الۋعا جانە سىبايلاس جەمقورلىق تاۋەكەلدەرىن تومەندەتۋگە مۇمكىندىك بەرەدى، – دەپ ءتۇسىندىردى «ازاماتتارعا ارنالعان ۇكىمەت» مەملەكەتتىك كورپوراسياسىنىڭ شقو بويىنشا فيليالى ديرەكتورىنىڭ ورىنباسارى رۋسلان كيبكە.
بيومەتريا – بۇل ءبىر نەمەسە بىرنەشە فيزيكالىق بەلگىلەرى بار ادامداردى تانۋ جۇيەسى، بۇل جاعدايدا ادامنىڭ بەتىن قۇجاتتاعى فوتوسۋرەتىمەن سالىستىرۋ. تەوريالىق ەمتيحان باستالعانعا دەيىن ۇمىتكەر جەكە باسىن سايكەستەندىرۋدەن وتەدى، وندا ونىڭ فوتوسۋرەتى جەكە كۋالىكتەگى فوتوسۋرەتپەن سالىستىرىلادى.
– ەمتيحان تاپسىرۋ كەزەڭىندە جۇيە تاعى بىرنەشە رەت تەكسەرۋ ءۇشىن اۆتوماتتى سايكەستەندىرۋدى جۇرگىزەدى. مۇنىڭ ءبارى ەمتيحاندى تاپسىرۋدىڭ بارلىق پروسەسىن باقىلاۋعا مۇمكىندىك بەرەدى، مۇندا ءۇشىنشى تۇلعالاردىڭ ەمتيحان تاپسىرۋعا ءبىرىڭعاي مۇمكىندىگى جوق، - دەپ تولىقتىردى ۆەدومستۆودان.
جۇرگىزۋشى كۋالىگىن الۋ ءۇشىن ۇمىتكەر ەكى ەمتيحان تاپسىرۋى كەرەك: تەوريالىق جانە پراكتيكالىق. تەوريالىق 40 سۇراقتان تۇرادى؛ ونى تاپسىرۋ ءۇشىن كەم دەگەندە 32 دۇرىس بولۋ قاجەت.
پراكتيكالىق ەمتيحان اۆتودرومدا 12 تاپسىرمادان تۇرادى. اركىمنىڭ ەمتيحاندى 3 رەتكە دەيىن تاپسىرۋعا مۇمكىندىگى بار. ەگەر ءۇش ارەكەتتەن ەمتيحان تاپسىرا الماسا، كەلەسى جولى ءسىز سوڭعى ەمتيحان كۇنىنەن باستاپ 6 ايدان كەيىن تاپسىرۋعا كەلە الاسىز.
ايتا كەتەيىك، جىل باسىنان بەرى 932 ادام العاش رەت جۇرگىزۋشى كۋالىگىن الدى.
