مەملەكەت باسشىسى قاسىم-جومارت توقايەۆ «سىندارلى قوعامدىق ديالوگ-قازاقستاننىڭ تۇراقتىلىعى مەن وركەندەۋىنىڭ نەگىزى» دەگەن قازاقستان حالىقىنا ارناعان جولداۋىندا بالالار ءۇشىن سپورتتىق ينفراقۇرىلىمنىڭ بارىنشا قولجەتىمدىلىگىنە نازار اۋداردى. شىعىس قازاقستاندا 2025 جىلعا دەيىن كەزەڭ-كەزەڭىمەن وبلىستىڭ جالپى ءبىلىم بەرەتىن مەكتەپتەرىندە قوسىمشا 3 213 سپورت سەكسياسى اشىلادى. وسى جىلدىڭ وزىندە 22 مىڭنان استام بالا 1300 سپورت تۇرىنە بارادى، – دەپ حابارلايدى Dalanews.kz.

شىعىس قازاقستاندا سپورتتىق ينفراقۇرىلىم دا كەڭەيۋدە. 2020 جىلى 6 ءىرى جاڭا سپورت نىسانى – 4 دەنە شىنىقتىرۋ-ساۋىقتىرۋ ورتالىعى جانە 2 باسسەين پايدالانۋعا بەرىلدى. 2021 جىلى دەنە شىنىقتىرۋ-ساۋىقتىرۋ كەشەنى قۇرىلىسى جۇرگىزىلۋدە. بىرنەشە ايدان كەيىن ۇستەل تەننيسىنىڭ ورتالىعى ەسىگىن ايقارا اشادى. نىسان حالىقارالىق ستاندارتتارعا سايكەس سالىنۋدا.

ەلىمىزدىڭ شىعىسى ءوز چەمپيوندارىن ماقتان تۇتادى. التاي ۆولەيبول كلۋبى العاش رەت وسى جىلدىڭ قازان ايىندا تايلاندتا وتكەن ازيا چەمپيوناتىندا جەڭىمپاز اتاندى.

بۇگىن ءوڭىردىڭ سپورت الاڭدارىندا 2022 جىلعى اقپاندا نۇر –سۇلتان قالاسىندا وتەتىن جابىق عيماراتتارداعى جەڭىل اتلەتيكادان ازيا چەمپيوناتىنا دايىندىق ءجۇرىپ جاتىر. الەمنىڭ ەڭ مىقتى جەڭىل اتلەتتەرى قازاقستان استاناسىندا ءوز باقتارىن سىناماق.

شىعىس قازاقستان وبلىسى بۇقارالىق دەنە شىنىقتىرۋدى دامىتۋدا پيراميداعا اينالۋى ءتيىس. ونىڭ شىڭىنا كىل مىقتىلار شىعىپ، ءبىز دەنى ساۋ بەلسەندى ۇلتقا اينالامىز. ەل پرەزيدەنتى وسى ماسەلەلەردى الدى. بۇگىندە وبلىستاعى بۇقارالىق سپورتتى دامىتۋ بويىنشا كەشەندى جوسپاردى ىسكە اسىرۋدا  اتالعان ماسەلەلەر شەشىمىن تابادى دەپ كۇتىلۋدە.