شىعىس قازاقستان وبلىسىندا جىل سايىن 8 ناۋرىز كۇنىنە وراي وبلىستىق بيۋدجەت قاراجاتىنان كەلەسى ساناتتارعا 5 اەك (14 585 تەڭگە) مولشەرىندە ءبىرجولعى تولەم جۇرگىزىلەدى، – دەپ حابارلايدى Dalanews.kz  شقو اكىمىنىڭ باسپا ءسوز قىزمەتىنە سىلتەمە جاساپ.

- «التىن القا»، «كۇمىس القا» القالارىمەن ناگرادتالعان نەمەسە بۇرىن «باتىر انا» اتاعىن العان جانە 1 جانە 2-دارەجەلى «انا داڭقى» وردەندەرىمەن ناگرادتالعان 13058 كوپبالالى اناعا.

- بىرگە تۇراتىن 4 جانە ودان دا كوپ كامەلەتكە تولماعان بالالارى، ونىڭ ىشىندە ورتا، تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ ۇيىمدارىندا، جوعارى وقۋ ورىندارىندا كۇندىزگى وقۋ بولىمىندە وقيتىن بالالارى بار 14707 كوپبالالى اناعا.

2021 جىلى اتالعان تولەمدەرگە 27 765 كوپبالالى انالار ءۇشىن 404 955 مىڭ تەڭگە قاراستىرىلعان.