شىمكەنتتە قالا ەكٸمٸنٸڭ ورىنباسارى رۋسلان بەردەنوۆكە جاسالعان قاستاندىق ەرەكەتٸ بويىنشا سوت وتىرىسى ٶتٸپ جاتىر. سوتتالۋشى ورىندىعىندا وتىرعان ەرنار جيەمباي سوت تىڭداۋىندا كٷتپەگەن مەلٸمدەمە جاسادى, دەپ حابارلايدى Dalanews.kz
سوتتا جاۋاپ بەرۋ بارىسىندا ەرنار جيەمباي جوعارى لاۋازىمدى شەنەۋنٸك قاستاندىقتى ۇيىمداستىرعانى تۋرالى جالعان اقپاراتتى ايتۋعا ٶتٸنٸش جاسالعانىن جەتكٸزدٸ.
"ەڭ قىزىعى, ماعان قىزمەتكەر ارقىلى ارنايى ٶتٸنٸش ايتىلدى. مەنٸ جالدامالى كٸسٸ ٶلتٸرۋشٸ رەتٸندە كٶرسەتۋدٸ سۇرادى. سولاي جاساساڭ, سەنٸ تٸپتٸ و دٷنيەدەن بولسا دا رۋسلان بەردەنوۆتىڭ ٶزٸ الىپ شىعادى دەدٸ", – دەپ مەلٸمدەدٸ سوتتالۋشى ەرنار جيەمباي.
وسى سەتتە سوتتالۋشىنىڭ سٶزٸن پروكۋرور توقتاتىپ, سۋدياعا ٸستٸڭ مەنٸنە قاتىسى جوق اقپاراتتىڭ ايتىلىپ جاتقانىن ايتتى.
"قۇرمەتتٸ سوت تٶراعاسى, ايىپتالۋشى ٸستٸڭ مەن-جايىنا قاتىسى جوق دەرەكتەردٸ ايتىپ جاتىر. ەگەر جاۋاپ بەرۋٸن اياقتاسا, سۇراقتارعا كٶشۋدٸ سۇرايمىن", – دەدٸ پروكۋرور.
بۇعان دەيٸنگٸ جاعداي
ەسكە سالايىق, بۇعان دەيٸن رۋسلان بەردەنوۆ سوتقا كەلۋگە مٸندەتتەلگەنٸ حابارلاندى. سوت وتىرىسىندا سۋديا ەبٸنۇر قاراباەۆ رۋسلان بەردەنوۆتٸ 6 تامىزعا جوسپارلانعان نەگٸزگٸ سوت پروتسەسٸنە مٸندەتتٸ تٷردە قاتىسۋعا شاقىردى.
سەبەبٸ رۋسلان بەردەنوۆ الدىن الا تىڭداۋعا ٶزٸ كەلمەگەن ەدٸ. ونىڭ ٶكٸلٸ رۋسلان بەردەنوۆ ەم قابىلداپ جاتقانىن مەلٸمدەدٸ.
ەكٸمدٸك ماڭىنداعى اتىس تۋرالى
21 سەۋٸردە شىمكەنت قالاسى ەكٸمدٸگٸ عيماراتى ماڭىندا اتىس بولدى. سالدارىنان رۋسلان بەردەنوۆ جاراقات الدى. ارتىنشا كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى, بۇل دەرەك بويىنشا قىلمىستىق ٸس قوزعالدى.
بۇل ٸس بويىنشا باستى كٷدٸكتٸ - ەرنار جيەمباي. اشىق فورماتتا ٶتكەن الدىن الا تىڭداۋ كەزٸندە سۋديا جيەمبايدىڭ سوت پروتسەسٸ بارىسىندا ٶزٸن تٷسٸرۋگە قارسى ەكەنٸن جەتكٸزدٸ.
