3 ملن تەڭگە كولەمىندە قايتارىمسىز گرانت يەلەنگەن تۇلەكتەر بۇل قارجىعا عيمارات جالداپ، قاجەتتى تەحنيكا ساتىپ العان. جوبا جەتەكشىلەرىنىڭ ءبىرى ساودات ەستياروۆانىڭ ايتۋىنشا، ولار بالالارعا روبوت جاساۋ تەحنيكاسىنىڭ بارلىق نەگىزىن ۇيرەتپەك. بۇل ءادىس استانا قالاسىندا ءساتتى تاجىريبەدەن ءوتىپتى.
[caption id="attachment_31696" align="alignleft" width="281"]
فوتو. سامات مىرزالييەۆ.[/caption]
– ءتورت اي بويعى ۇيرەتۋ مەرزىمىندە بالالار ەلەكتروموبيلدەرمەن كۆادروكوپتەر قۇراستىرۋدى ۇيرەنەدى. مۇنىمەن قوسا باعدارلاما جاساۋدى، 3D مودەلدەۋ مەن باسىپ شىعارۋ، گادجەت، قوسىمشالار مەن سايت جاساۋدى وقيدى. ماڭىزدىسى – باعدارلاما جاساۋعا ۇيرەتۋ پروسەسى ويىن تۇرىندە وتەدى. سونىڭ ناتيجەسىندە بالالار وقىعاندارىن جاقسى مەڭگەرەدى، – دەيدى جوبا جەتەكشىسى جانە نازاربايەۆ ۋنيۆەرسيتەتىنىڭ تۇلەگى ساودات ەستياروۆا.
ايتا كەتەيىك، اتالعان مەكتەپكە بالالار 5-7 جاستان قابىلدانادى. كۋرس 4 ايعا سوزىلادى. وقۋ اقىسى – ايىنا 15 مىڭ تەڭگە.
وبلىستىق كاسىپكەرلىك، يندۋستريالدى-يننوۆاسيالىق دامۋ جانە تۋريزم باعدارلاماسى وكىلدەرىنىڭ ايتۋىنشا، "بيزنەستىڭ جول كارتاسى - 2020" باعدارلاماسى اياسىنداعى مەملەكەتتىك گرانتتار شاعىن جانە ورتا بيزنەس سۋبەكتىلەرىنە، ونىڭ ىشىندە باستاۋىش كاسىپكەرلەرگە بەرىلەدى. بۇعان قوسا، ايەلدەرگە، مۇگەدەكتەر مەن جاسى 50-دەن اسقان جاندارعا ەكونوميكانىڭ باسىم سەكتورلارى مەن وڭدەۋ ونەركاسىبى سالالارىندا جاڭا بيزنەس-يدەيالارىن جۇزەگە اسىرۋ ءۇشىن تەگىن جانە قايتارىمسىز گرانتتار بەرىلەدى.
– ءبىر كاسىپكەرگە بەرىلەتىن گرانتتىڭ ەڭ كوپ سوماسى - 3 ملن تەڭگەنى قۇرايدى. قولداۋدىڭ وسىناۋ گرانت ءتۇرى جەرگىلىكتى بيۋدجەت ەسەبىنەن جۇزەگە اسىرىلادى. باعدارلاما جۇزەگە اسىرىلا باستاعالى بەرى جالپى سوماسى 300 ملن تەڭگە بولاتىن 96 گرانت بەرىلدى. ونىڭ ىشىنەن 2017 جىلى 29 ميلليون تەڭگە بولاتىن 10 گرانت بەرىلدى، – دەيدى وقو كاسىپكەرلىك، يندۋستريالدى-يننوۆاسيالىق دامۋ جانە تۋريزم باcقارماسىنىڭ ءبولىم باسشىسى ۇسەن يسايەۆ.
وقو اكىمدىگى باسپا ءسوز قىزمەتى
