قازىرگى تاڭعا مامانداندىرىلعان ينفەكسيالىق ستاسيونارلاردا بارلىعى 1 406 ورىن بار (قالالىق ينفەكسيالىق ورتالىق – 490، «اتامەكەن» كلينيكاسى – 450، ورىنباي گبوو – 70 ورىن، №14 ەمدەۋ ورتالىعى – 250، قالالىق پەريناتالدىق ورتالىق – 30، №2 وڭالتۋ ورتالىعى – 100، قالالىق كلينيكالىق بالالار اۋرۋحاناسى – 10، شىمكەنت جۇرەك ورتالىعى-6)، توسەك ورىن تولىمدىعى 45%-دى قۇرايدى، 761 توسەك ورىن بوس.
شىمكەنت قالاسىندا سوڭعى تاۋلىكتە 3 444 ادام ۆاكسينا الدى
(I كومپونەنت – 2 224، II كومپونەنت – 1 220). ەگۋ ناۋقانى باستالعالى بارلىعى 157 098 ادام ۆاكسيناسيالاندى. ونىڭ ىشىندە 62 377 ادام ۆاكسينانىڭ ەكى كومپونەنتىن العان.
ەلىمىزدە ۆاكسيناسيالاۋعا جاتاتىن ادامداردىڭ 80 پايىزىنا ەكپە سالىنسا، ياعني 18-دەن اسقان ادامدار ەكپە السا، بۇل وڭتايلى دەڭگەي كۆي سەركۋلياسياسىن ازايتىپ، قالىپتى ءومىر جاعدايىن ورالۋعا مۇمكىندىك بەرەدى – دەيدى ماماندار. سوندىقتان ۇجىمدىق يممۋنيتەتتى قالىپتاستىرۋ ءۇشىن ۆاكسينا سالدىرۋ اسا ماڭىزدى.
قالاداعى بارلىق ەمحانادا كوروناۆيرۋسقا قارسى ەكپە سالىنىپ جاتىر. وزىڭىزبەن جەكە كۋالىگىڭىز بولسا جەتكىلىكتى. تەگىن، ەرىكتى تۇردە سالىنادى. پاندەميانى جەڭۋ اربىرىمىزگە بايلانىستى ەكەنىن ۇمىتپايىق.
