شىمكەنتتە بالاباقشا قۇرىلتايشىلارىنا قاتىستى سوت ۇكىمى شىقتى، دەپ حابارلايدى Dalanews.kz.
شىمكەنت قالاسى ءال-فارابي اۋدانىنىڭ پروكۋراتۋراسى مەكتەپكە دەيىنگى ۇيىمداردا بالالاردىڭ تىركەلگەندىگى تۋرالى جالعان مالىمەتتەردىڭ ەنگىزىلگەنىن انىقتادى.
تالداۋ بارىسىندا مەملەكەت بيۋدجەتىنەن بولىنگەن 8 ملن تەڭگەدەن استام سوما قاراجاتىن زاڭسىز پايدالانۋ فاكتىلەرى انىقتالدى.
"ت" جانە "ب" جەكەمەنشىك مەكەمەلەر ءبىلىم باسقارماسىنا بالاباقشاعا بارماعان بالالاردىڭ ءبىلىم الىپ جاتقاندىعى تۋرالى جالعان مالىمەتتەر (ءولى جاندار) ۇسىنىپ، مەملەكەت قاراجاتىن ءوز بەتىنشە پايدالانعان، - دەلىنگەن شىمكەنت قالاسىنىڭ پروكۋراتۋراسى تاراتقان حابارلاماسىندا.
شىمكەنت قالاسىنىڭ قىلمىستىق ىستەر بويىنشا اۋدانارالىق سوتىنىڭ ۇكىمىمەن بالاباقشا قۇرىلتايشىلارى الاياقتىق جاساعاندارى ءۇشىن ءارتۇرلى جازالارعا تارتىلىپ، مەملەكەتكە كەلتىرىلگەن زالالدى تولىعىمەن قايتاردى.
