شىمكەنتتەگى بالاباقشالاردىڭ بىرىندە تاربيەشى بالانى اياۋسىز ۇرىپ-سوققان. قازىرگى تاڭدا بۇل ىسكە بايلانىستى تەرگەۋ امالدارى جۇرگىزىلىپ جاتىر، دەپ حابارلايدى Dalanews.kz.
الەمجەلىدە تاراعان بەينەباياننان قىز بالانى اياۋسىز ۇرىپ، اياعىنان سۇيرەپ، توسەككە كۇشپەن جاتقىزعان تاربيەشىنى كورۋگە بولادى.
الەمجەلىدە تاراعان بولجام بويىنشا، اتالعان وقيعا "سۇلەيمەن" اتتى جەكەمەنشىك بالاباقشادا ورىن العان.
وقۋ-اعارتۋ مينيسترلىگى اتالعان جاعدايدان سوڭ تاربيەشى جۇمىستان بوساتىلعانىن مالىمدەدى.
"ءقازىر سوت-مەديسينالىق ساراپتاما تاعايىندالدى. اتالعان فاكتى بويىنشا تەرگەۋ امالدارى جۇرگىزىلىپ جاتىر. وقيعا وقۋ-اعارتۋ مينيسترلىگى بالالاردىڭ قۇقىعىن قورعاۋ كوميتەتىنىڭ باقىلاۋىندا"، – دەپ حابارلادى مينيسترلىك.
