تاريحي وقيعاعا قاتىستى وتكەن سالتاناتتى جيىنعا جۇڭگو حالىق رەسپۋبليكاسىنىڭ CNPC كومپانياسى باس ديرەكتورى بيان دىجى مەن وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ قاتىسىپ، زاۋىت جۇمىسىنا ساتتىلىك تىلەدى.
– ەلباسىمىز حالىققا ارناعان جولداۋىندا ەلىمىزدى ءوز مۇناي ونىمدەرىمەن قامتاماسىز ەتۋ كەرەكتىگىن باسا ايتقان بولاتىن. وسى تاپسىرماعا ساي شىمكەنت مۇناي وڭدەۋ زاۋىتىندا جاڭعىرتۋ جۇمىستارى جۇرگىزىلدى. بۇل جۇمىستار «ۇدەمەلى يندۋستريالىق-يننوۆاسيالىق دامۋ" مەملەكەتتىك باعدارلاماسى اياسىندا جۇزەگە اسىرىلىپ وتىر. قازىردە اتالعان باعدارلامانىڭ اياسىندا قازاقستاننىڭ ءۇش ءىرى مۇناي وڭدەۋ زاۋىتىن جاڭعىرتۋ جانە قايتا جوندەۋ جۇمىستارى جۇرگىزىلۋدە. بۇگىن مىنە ءبىرىنشى كەزەڭنىڭ ىسكە اسۋىنا كۋا بولىپ وتىرمىز، – دەدى جانسەيىت تۇيمەبايەۆ.
جاڭعىرتۋ جۇمىستارىنىڭ ءبىرىنشى كەزەڭىندە شىمكەنت مۇناي وڭدەۋ زاۋىتىندا شيكىزاتتى ىدىستارعا ساڭىلاۋسىز قۇياتىن قوندىرعى ىسكە قوسىلدى.
مامانداردىڭ ايتۋىنشا، بۇدان بىلاي اۋا لاستانبايدى. ەڭ باستىسى – زاۋىتتاعى جۇمىستاردىڭ ءبارى ءقاۋىپسىز ىسكە اسىرىلاتىن بولادى. كاسىپورىن مۇنداي مۇمكىندىككە «ۇدەمەلى يندۋستريالدى يننوۆاسيالىق دامۋ» باعدارلاماسى اياسىندا قول جەتكىزىپ وتىر.
ەستەرىڭىزگە سالا كەتەيىك، 2 كەزەڭنەن تۇراتىن شىمكەنت مۇناي وڭدەۋ زاۋىتىن جاڭعىرتۋ جوباسى «ۇدەمەلى يندۋستريالدى يننوۆاسيالىق دامۋ» باعدارلاماسى اياسىندا 2011 جىلى باستالعان بولاتىن. جوبانىڭ باس مەردىگەرى – قىتايلىق سرەسس كومپانياسى. جوبانى ىسكە اسىرۋعا 30-دا اسا جەرگىلىكتى مەردىگەر كومپانيالار تارتىلعان. بۇگىندە زاۋىت اكسياسى «قازمۇنايگاز-وم» اق مەن قىتايلىق «سNPC» كومپانياسىنا تيەسىلى.
سونداي-اق زاۋىتتا جىلىنا 4 مىڭ توننا كۇكىرت شىعارىلادى. قۇرىلىمداۋ جۇمىستارىنىڭ ەكىنشى كەزەڭى تولىق اياقتالسا، زاۋىت ەلىمىزدەگى الەمدىك تالاپتارعا ساي ءىرى كاسىپورىنعا اينالاتىن بولادى.
وقو اكىمىنىڭ باسپا ءسوز قىزمەتى
