بيزنەستىڭ قىر-سىرىن ۇيرەنگەندەردىڭ اراسىندا شالعايداعى اۋدان، اۋىلداردىڭ جاستارى كوپ.
ءبىر عانا زايسان اۋدانىنىڭ وزىنەن 40-تان استام قىز بەن جىگىت «جاس كاسىپكەر» جوباسى بويىنشا بىلىم-بىلىگىن جەتىلدىرىپ، بارلىعى بيزنەس جوبالارىن ءساتتى قورعاپ شىققان.
جاقىندا وسى اۋداننىڭ تاعى 25 تۇرعىنى سەرتيفيكات الدى. بىرەۋى تىگىن سەحىن، كەلەسىسى شاشتاراز، ءسان-سالون، ەندى ءبىرى ناۋبايحانا اشۋدى كوزدەپ وتىر.
جاستار 3 كۇندىك سەميناردا كەز كەلگەن كاسىپ نەدەن باستالادى، ونىڭ تيىمدىلىگىن ءقايتىپ بولجاۋ كەرەك جانە باستىسى بيزنەس جوسپاردى قالاي قۇرۋ كەرەكتىگىن ۇيرەنەدى.
«اقپاراتتىق تەحنولوگيا سالاسىندا شاعىن كاسىپ اشسام دەيمىن. سوندىقتان وسى سەميناردان ەسەپ جۇرگىزۋ، نارىقتى زەرتتەۋگە بايلانىستى وزىمە كەرەك كوپ مالىمەتتەر الدىم»، -دەيدى زايسان قالاسىنىڭ تۇرعىنى جاندوس قابدراسىلوۆ.
وبلىستىق جاستار قوعامدىق بىرلەستىگىنىڭ وكىلى ايدىن قايىربەك ۇلىنىڭ ايتۋىنشا، بۇل جوبا 3 كۇندىك سەمينارمەن اياقتالمايدى، سەمەي قالاسىندا 1 جىلعا دەيىن سوزىلاتىن، كونسۋلتاتيۆتىك ورتالىق جۇمىس اتقارادى، ول ونلاين جۇيەسىندە دە جانە وزدەرى بارلىق جابدىقتارمەن تەگىن كونسۋلتاسيا نەمەسە وتىرىپ جۇمىس ىستەيتىن بارلىق مۇمكىندىكتەر قاراستىرىلادى.
