شىعىس قازاقستاندا بالاباقشاعا كەزەكتى ازايتۋ ماقساتىندا ءبىرقاتار شارالار قابىلدانۋدا. مۇندا مەملەكەتتىك-جەكە مەنشىك ارىپتەستىك مەحانيزمدەرى اۋقىمدى پايدالانۋ ۇستىندە. جالپى، وبلىس بويىنشا 3 پەن 6 جاس ارالىعىنداعى 4737 بالا بالاباقشا كەزەگىندە تۇر، ونىڭ ىشىندە وسكەمەن قالاسىندا – 2140، سەمەيدە – 1674، زىريان اۋدانىندا – 348، ريددەردە – 272 بالا. جىل سوڭىنا دەيىن 3 مىڭ ورىنعا ارنالعان 35 بالاباقشا اشىلسا، سونىڭ 19 جەكە مەنشىك بولىپ تابىلادى.
– بىزدە بالاباقشا ايتۋلى كەزەك بار. سوندىقتان، ءبىز بۇل ماسەلەنى شەشۋىمىز قاجەت، – دەدى دانيال احمەتوۆ وبلىستىق ءماسليحات سەسسياسى كەزىندە بەرگەن ەسەبىنىڭ بارىسىندا.
سونىمەن قاتار جەرگىلىكتى اتقارۋشى ورگاندار اپاتتىق جاعدايداعى مەكتەپتەر ماسەلەسىن 2018 جىلعا قاراي تولىعىمەن شەشۋدى جوسپارلاپ وتىر. وبلىس اكىمى دانيال احمەتوۆ اتاپ وتكەندەي، اعىمداعى جىلى جەتى جاڭا مەكتەپ، ونىڭ ىشىندە التاۋى اپاتتىق مەكتەپتەردىڭ ورنىنا قولدانىسقا بەرىلەدى.
«قمد» اقپارات
