فورۋم جۇمىسىنا ق ر ۇلتتىق ەكونوميكا ءمينيسترى تيمۋر سۇلەيمەنوۆ، شقو اكىمى دانيال احمەتوۆ، پاۆلودار وبلىسىنىڭ اكىمى بولات باقاۋوۆ قاتىستى. سونداي-اق، شىعىس پەن پاۆلودار وڭىرلەرىنەن 500 اسا اۋداندىق ماڭىزداعى قالا، اۋىل، كەنت پەن اۋىلدىق وكرۋگتەردەگى جەرگىلىكتى اتقارۋشى ورگاندارىنىڭ وكىلدەرى كەلدى.
2018 جىلعى قاڭتاردىڭ بىرىنەن باستاپ رەسپۋبليكاداعى ەلدى-مەكەندەردى قارجىلاندىرۋ ءۇشىن جەرگىلىكتى ءوزىن-وزى باسقارۋدىڭ دەربەس بيۋدجەتىن ساتىلاي ەنگىزۋ باستالادى.
– جەرگىلىكتى ءوزىن-وزى باسقارۋ جۇيەسىن دامىتۋىمىز كەرەك. ماڭىزدى سۇراقتاردى شەشۋدە تۇرعىندار ەتەنە اتسالىسىپ، بيلىك ولاردىڭ پىكىرلەرىنە قۇلاق اسۋى ءتيىس. سوندا عانا سەنىم پايدا بولادى. ءبىراق، قاراجاتتى دۇرىس جانە ءتيىمدى جۇمساۋ ءۇشىن اكىمدەردىڭ بىلىگى مەن ءبىلىم باسقا دەڭگەيدە بولۋى قاجەت، – دەدى ايماق باسشىسى دانيال احمەتوۆ.
اۋىل تۇرعىندارىنىڭ سالىعىنىڭ دەنى بۇدان بىلاي مەكتەپكە دەيىنگى تاربيە مەن ءبىلىم بەرۋگە، اباتتاندىرۋ، كوگالداندىرۋ، جەرگىلىكتى جولدىڭ جاعدايىن جاقسارتۋ سياقتى ماڭىزدى ماسەلەلەرگە جۇمسالادى. بۇل رەتتە فورۋمدا قاراجاتتى جۇمساۋ باعىتىن ناقتىلاۋعا اۋىل تۇرعىندارى دا بىلەك سىبانا كىرىسۋلەرى كەرەكتىگى ەرەكشە اتاپ ءوتىلدى.
شقو اكىمىنىڭ باسپا ءسوز قىزمەتى
