16 اقپان كٷنٸ شىعىس قازاقستان وبلىسىنىڭ دوستىق ٷيٸ – قوعامدىق كەلٸسٸم ورتالىعىنىڭ الاڭىندا «بٸز – جاڭا حالىقتىق كونستيتۋتسييا ٷشٸن» اتتى رەسپۋبليكالىق جاستار فورۋمى ٶتتٸ, سونداي-اق «كٶشباسشىلار مەكتەبٸ» جاستار جوباسىنىڭ باستالعانى جارييالاندى, دەپ حابارلايدى Dalanews.kz.
ٸس-شاراعا قاتىسۋشىلار جاڭا كونستيتۋتسيياعا قولداۋ بٸلدٸرٸپ, بۇل قۇجاتتىڭ قازٸرگٸ جەنە بولاشاق ۇرپاقتىڭ تۇراقتى دامۋىنا نەگٸز قالايتىنىن اتاپ ٶتتٸ.تالقىلاۋ بارىسىندا «اسسامبلەيا جاستارى» رقب ٶكٸلدەرٸ, ەتنومەدەني بٸرلەستٸكتەر مەن ستۋدەنتتەر اسسامبلەيالارىنىڭ جاستارى سٶز سٶيلەدٸ.
ٶڭٸر باسشىسى نۇرىمبەت ساقتاعانوۆ ٶز سٶزٸندە تۇجىرىمدامالىق ٶزگەرٸستەر مەملەكەتتٸڭ ەڭ الدىمەن ادامنىڭ مٷددەسٸن قورعاۋ قاعيداتتارىنا نەگٸزدەلگەنٸن, قازاقستان حالقىنىڭ ٶزەكتٸ قۇندىلىقتارى مەن قاعيداتتارىن كٶرسەتۋگە, سونداي-اق ساياسي ينستيتۋتتار قۇرىلىمىنىڭ تيٸمدٸلٸگٸن ارتتىرۋعا باعىتتالعانىن اتاپ ٶتتٸ. سونىمەن قاتار, وبلىس ەكٸمٸ نەگٸزگٸ زاڭعا ەنگٸزٸلگەن ٶزگەرٸستەر جاستاردىڭ قوعامدىق-ساياسي بەلسەندٸلٸگٸن ارتتىرۋعا باعىتتالعانىنا نازار اۋداردى.
«اسسامبلەيا جاستارى» رقب تٶراعاسى تيمۋر جۇمىرباەۆ جاڭا كونستيتۋتسييانىڭ جوباسى قوعامنىڭ تٷپكٸلٸكتٸ مٷددەلەرٸنٸڭ كٶرٸنٸسٸ ەكەنٸن, ال جاستاردىڭ بۇل قۇجاتتى قولداۋى ٶتە ماڭىزدى ەكەنٸن ايتتى. سونىمەن قاتار, ول قازاقستاننىڭ حالىق كەڭەسٸ – جوعارى كونسۋلتاتيۆتٸك ورگاننىڭ قۇرىلۋى جاستار ٷشٸن ٷلكەن مٷمكٸندٸكتەرگە جول اشاتىنىنا توقتالدى.
ٸس-شارا بارىسىندا شىعىس قازاقستان وبلىستىق مەسليحاتىنىڭ تٶراعاسى دەنيس رىپاكوۆ سٶز سٶيلەدٸ. ول جاڭا كونستيتۋتسييانىڭ جوباسى تسيفرلىق ورتادا ازاماتتاردىڭ قۇقىقتارىن قورعاۋ تۋرالى نورمانىڭ العاشقى رەت ەنگٸزٸلٸپ وتىرعانىن اتاپ ٶتتٸ. ٶمٸرٸ مەن جۇمىسى ينتەرنەتپەن تىعىز بايلانىستى جاس ۇرپاق ٷشٸن بۇل سەنٸمدٸ قۇقىقتىق قالقان جاسايدى, ال دەربەس دەرەكتەردٸ, جەلٸدەگٸ تسيفرلىق اكتيۆتەردٸ قورعاۋ كونستيتۋتسييالىق نورماعا اينالادى.
فورۋم بارىسىندا وبلىستىق دوستىق ٷيٸ – قوعامدىق كەلٸسٸم ورتالىعىنىڭ ديرەكتورى راۆيل يۋنۋسوۆ, ستۋدەنتتٸك اسسامبلەيالاردىڭ جەتەكشٸسٸ الەكساندر ۋرماشوۆ, قازاقستان رەسپۋبليكاسىنداعى ادام قۇقىقتارى جٶنٸندەگٸ ۋەكٸل جانىنداعى «ەركٸندٸك رۋحى» جاستار قۇقىقتارى جٶنٸندەگٸ كوميسسيياسىنىڭ مٷشەسٸ الينا كاليشەۆا, ريددەر قالاسىنداعى «اسسامبلەيا جاستارى» ٶكٸلدٸگٸنٸڭ جەتەكشٸسٸ ەدۋارد رىنك سٶز سٶيلەدٸ.
فورۋمعا قاتىسۋشىلار جاڭا كونستيتۋتسييا جوباسىندا كٶرسەتٸلگەن شىعارماشىلىق مٷمكٸندٸكتەردٸ كەڭەيتۋ, اۆتورلىق قۇقىق پەن تسيفرلىق قاۋٸپسٸزدٸكتٸ قورعاۋ, قۇقىقتىق قورعالۋ جەنە ەدٸلەتتٸلٸك كەپٸلدٸكتەرٸ, ەكولوگييالىق جاۋاپكەرشٸلٸك مەسەلەلەرٸ تۋرالى دا پٸكٸر الماستى.
