بٷگٸن جەتٸسۋ وبلىستىق قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا شەرزات بولاتتىڭ ٶلٸمٸنە بايلانىستى قىلمىستىق ٸس بويىنشا ەكٸنشٸ اشىق سوت وتىرىسى باستالدى, دەپ حابارلايدى Dalanews.kz.
اتالعان ٸس بويىنشا بارلىعى 9 ادام ايىپتالۋدا:
– ابزال شىناسىل — قر قىلمىستىق كودەكسٸنٸڭ 293-بابى 3-بٶلٸگٸ («بۇزاقىلىق»), 99-بابى 2-بٶلٸگٸ 4 جەنە 5-تارماقتارى («اسا قاتٸگەزدٸكپەن قاساقانا كٸسٸ ٶلتٸرۋ»), سونداي-اق 24-باپتىڭ 3-بٶلٸگٸ («قىلمىسقا دايىندالۋ جەنە وقتالۋ») بويىنشا;
– راۆيل ساكيەۆ — 293-باپ 3-بٶلٸگٸ جەنە 99-باپ 2-بٶلٸگٸ 7 جەنە 9-تارماقتارى بويىنشا («بۇزاقىلىق», «اسا قاتٸگەزدٸكپەن قاساقانا كٸسٸ ٶلتٸرۋ»);
– شىڭعىس بەلقوجاەۆ, دارحان اسكەنتاي, نۇرقيياس ٸليياسوۆ, نۇربول توقتاۋباەۆ, ديدار عالياحمەت, ازامات توقتاۋباەۆ — 293-باپ 3-بٶلٸگٸ بويىنشا («بۇزاقىلىق»);
– دۋمان ىسقاق — 434-باپ («قىلمىس تۋرالى حابارلاماۋ») بويىنشا جاۋاپقا تارتىلۋدا.
سوت وتىرىسى اشىق فورماتتا ٶتٸپ جاتىر. پروتسەستٸڭ تٸكەلەي ترانسلياتسيياسى جوعارعى سوتتىڭ رەسمي YouTube ارناسىندا جٷرگٸزٸلۋدە.
مەلٸمەتتەرگە سٷيەنسەك, سوت الدىنا كەلگەن ايىپتالۋشىلاردىڭ تٶرتەۋٸ بۇرىن دا قىلمىستىق جاۋاپكەرشٸلٸككە تارتىلعان بولىپ شىقتى.
اتاپ ايتقاندا, راۆيل ساكيەۆ 2021 جىلى 2 جىل 6 ايعا باس بوستاندىعىنان ايىرىلعان, شىڭعىس بەلقوجاەۆ 2015 جىلى باس بوستاندىعىن شەكتەۋ جازاسىنا كەسٸلگەن, نۇرقيياس ٸليياسوۆ – 2 جىل 6 اي مەرزٸمگە باس بوستاندىعىن شەكتەۋ جازاسىن العان. ال ازامات توقتاۋباەۆ 2024 جىلى 7 جىلعا سوتتالعان. ايىپتالۋشىلاردىڭ ەكەۋٸ — ادام دەنساۋلىعىنا قاساقانا اۋىر زييان كەلتٸرگەنٸ ٷشٸن جاۋاپقا تارتىلعان.
