مەنٸڭ شەنەۋنٸكتەرگە قويار ساۋالىم بار: سٸزدەر بٸزدٸڭ بالالارىمىز ٷشٸن نە ٸستەدٸڭٸزدەر وسى? ٶزٸم ايتىپ بەرەيٸن بە? تٷك تە...
بالالاردىڭ مەكتەپتەگٸ تەگٸن تاماعىنا تالاسىپ تارتىپ الدىڭىزدار. ودان قالدى ولاردى شٸلٸڭگٸر شٸلدەدە زورلاپ ساباق وقىتپاق ويلارىڭىز بار.
ودان دا وقۋ باعدارلاماسىنداعى قاجەتسٸز ەرٸ تٷككە تۇرعىسىز پەندەردٸ نەگە الىپ تاستامايسىزدار? بالالارعا ساباق ٷيرەتۋ ەدٸستەمەسٸن قايتا قاراپ, سىنىپتارداعى بالا سانى 25-تەن اسىپ كەتپەۋٸن نەگە قاداعالامايسىزدار?
ەڭ سوراقىسى, وقۋشىلار ەندٸ ٷش تٸلدە وقيتىن بولدى. ورىسشا مۇنى بوتقا دەيدٸ. ايتىڭىزدارشى, وسى ٷش تٸلدٸ بٸلٸم بەرۋگە اۋىساتىنداي ساۋاتتى, بٸلٸكتٸ, تەجٸريبەلٸ ۇستازدار دايارلادىڭىزدار ما? بولماسا, ساپالى كٸتاپتارىڭىز قايدا?
شىنى كەرەك, كٸتاپتىڭ ساپاسىنا كەلگەندە كٷدٸك كٶپ. تەۋەلسٸزدٸك العانىمىزعا 25 جىل تولدى. بٸراق وسى ۋاقىتقا دەيٸن مەندٸ ەرٸ مازمۇندى كٸتاپ باسىپ شىعارا المادىق.
ەسەسٸنە, پايداسىنان بۇرىن زييانى كٶپ جەنە ەڭ سوراقىسى سٸزدەر وقۋشىلاردان تالاپ ەتەتٸن بٸلٸم دەڭگەيٸنە ساي كەلمەيتٸن «دٷبەرا» كٸتاپتار جەتٸپ ارتىلادى.
سٸزدەر ەلٸمٸزدەگٸ ەكٸ مەكتەپتٸڭ بٸرٸندە – ۇستازدار قازاقستاندا شىعاتىن كٸتاپتان ٸزدەگەنٸن تابا الماعاسىن قوسىمشا رەسەيدە شىعاتىن كٸتاپتارعا جٷگٸنۋگە مەجبٷر بولاتىنىن بٸلەسٸزدەر مە?
بۇل مەسەلەنٸڭ بەتكٸ جاعى عانا. مەكتەپتەگٸ بٸلٸم بەرۋدٸڭ كٶرسەتكٸشٸ ساپاعا ەمەس, سانعا نەگٸزدەلەتٸن بولدى. وسىنىڭ كەسٸرٸنەن وقۋشىلارىمىز ويلاۋدان قالىپ بارادى. بۇعان دا سٸزدەر كٸنەلٸسٸزدەر.
سٸزدەردٸڭ «مەكتەپتەگٸ بٸلٸم ساپاسىن كٶتەرەدٸ» دەگەن كٷدٸكتٸ باستامالارىڭىز نەگٸزٸندە وقۋشىلارعا تەجٸريبە جٷرگٸزۋگە ارنالعان, سولاي ەمەس پە?
باسقاسىن باسقا, وقۋشىلارعا تەجٸريبە جٷرگٸزگەن نە سۇمدىق? ولارعا قانداي سىناق جاساماقسىزدار?
ودان دا مەكتەپتەرگە اقشا بٶلٸڭٸزدەر. اتا-انالار ايتىپ تاۋسىلمايتىن تٷرلٸ قورلارعا اقشا جيناپ شارشادى. بۇل ٶز الدىنا مەكتەپتٸڭ كەرەك-جاراعىن دا, اتاپ ايتقاندا كٸتاپ,پارتا, ستول جەنە باسقا دا تەحنيكالارىن اقشا جيناپ اتا-انالار الىپ بەرەدٸ. بٸز بۇعان مٸندەتتٸمٸز بە? ەلدە بٸزدٸڭ قالتامىز قالىڭ با?
ال سٸزدەر بولساڭىزدار مەكتەپتەردٸ تەرگەپ-تەكسەرۋدەن شارشامايسىزدار, مۇنداي كەزدەرٸ ەلگٸ اقشا جيناۋ ناۋقانى ساپ تىيىلادى. مەكتەپتٸ كٸنەلاعىمىز كەلمەيدٸ. سٸزدەردٸڭ تاراپتارىڭىزدان تيٸستٸ دەڭگەيدە كٶڭٸل بٶلٸنبەگەسٸن, تيٸستٸ دەڭگەيدە قارجىلاندىرىلماعاسىن مەكتەپتٸڭ باسقا قانداي امالى بار?
بۇل عانا ەمەس.
مەكتەپ تاعامىنىڭ مەسەلەسٸ ٶز الدىنا بٶلەك ەڭگٸمە. اشىعىن ايتقاندا, ناعىز ماسقارانىڭ كٶكەسٸ وسى. الدىمەن مەكتەپتەردٸڭ اسحانالارىنا باس سۇعىپ كٶرٸڭٸزدەر. سوندا بالالاردى تاماقتاندىرۋ ٷشٸن مەكتەپتٸڭ قانداي ەدٸس-امالعا باراتىنىن كٶرەر ەدٸڭٸزدەر. مۇنداي اسقا اقشا شىعىنداۋدىڭ ٶزٸ وبال, مۇنداي اس بالالارعا قورەك ەمەس, كەرٸسٸنشە, دەنساۋلىعىنا زييان.
مەكتەپ فورماسىن دا قايتا جۇلقىلاي باستادىڭىزدار. بۇل كٸمگە كەرەك ٶزٸ? جالپى, فورمانىڭ نە قاجەتٸ بار? بالانىڭ ٷستٸنە كيگەن كيٸمٸ ونىڭ بٸلٸمٸنە ەسەر ەتە مە?
قۇرمەتتٸ ساعاديەۆ مىرزا, سٸز مەكتەپ فورماسىنىڭ قانداي بولۋى كەرەكتٸگٸن ايتىپ شارشاعان جوقسىز با? بۇدان سٸز نە ۇتاسىز? ودان دا مەكتەپتەگٸ «ٶزٸڭدٸ-ٶزٸڭ تانى» دەپ اتالاتىن ەسۋاستاۋ ەرٸ پسيحيكالى اۋىتقۋى بار ادامدار جازعان پەندٸ تٸزٸمنەن نەگە الىپ تاستامايسىز?
سوسىن سٸز مىنانى بٸلەسٸز بە: 5-شٸ سىنىپقا ارنالعان «قازاق تٸلٸ» كٸتابى ساپاسى جاعىنان ٶتە تٶمەن. ونى وقىعان بالانىڭ ميىنا بٸرنەرسە قونادى دەۋ قيىن. بالا اقىلسىز ەمەس, كەرٸسٸنشە, كٸتاپتىڭ مازمۇنى تٶمەن, تٸلٸ تٷسٸنٸكسٸز.
بٸلٸم مينيسترلٸگٸ الدىمەن ٶزٸنٸڭ كەمشٸلٸكتەرٸن تٷزەسە دۇرىس ەدٸ. بٸراق, قاساقانا جوعارىداعىلار ٶز كەمشٸلٸكتەرٸن كٶرگٸسٸ جەنە ونى تٷزەتكٸسٸ كەلمەيدٸ.
ايتاتىن دٷنيە كٶپ. بٸراق بەرٸنە جٷيكە شىدامايدى.
سوڭعى 5 جىلدا مەكتەپتەر مەن وقۋشىلاردىڭ كٶرمەگەنٸ جوق. رەفورمادان رەفورماعا ۇشىرادى. كيٸمدەرٸنە كيلٸكتٸ, كٸتاپتارىن بٷلدٸردٸ, اسحاناسىنان ايىردى, ەندٸ كەلٸپ «ٷش تٸلدە وقيتىن بولاسىڭدار» دەيدٸ. بۇل قالاي بولعانى? وقۋشىلارعا تەجٸريبە جٷرگٸزگۋ كٸمگە كەرەك بولدى?
وسىنىڭ ٶزٸنەن-اق بٸزدٸڭ شەنەۋنٸكتەردٸڭ حالىقتان قانشالىقتى الىستاپ كەتكەنٸن كٶرەسٸڭ. سٸزدەر مەملەكەتتٸڭ ەڭ باستى قۇندىلىعى – بالالاردى ەبدەن ەبٸگەرگە سالدىڭىزدار. بٸراق, سالماس بۇرىن الدىمەن حالىقتان سۇراۋ, حالىقپەن ساناسۋ كەرەك ەدٸ. ول جوق سٸزدەردە...
وقۋشىلارعا تەجٸريبە جٷرگٸزبەس بۇرىن ولاردىڭ اتا-انالارىنان نەگە سۇرامايسىزدار? قازاقستانداعى مەكتەپتەردٸڭ بٸلٸم بەرۋ دەڭگەيٸن سٸزدەرگە دەل سولار, اتا-انالار ايتىپ بەرەر ەدٸ?
حالىقتى تىڭداعىلارىڭىز كەلمەيدٸ. باسقا ەلەمدە ٶمٸر سٷرەتٸن سٸزدەر جەر باسىپ جٷرەتٸن بٸز سيياقتى پەندەلەردٸڭ سٶزٸن ەلەيدٸ دەگەنگە سەنبەيمٸز.
اتا-انانىڭ حاتى
