ارنايى قىزمەت مالىمەتىنە قاراعاندا، كۇدىكتى 1998 جىلى ءقۇۋ-نىڭ تاريح فاكۋلتەتىنەن وقۋ اقىسىن تولەمەگەنى ءۇشىن وقۋدان شىعارىلعان. جوگوركۋ كەنەش دەپۋتاتى اتانعان سوڭ ول قۇۋ ديپلومىن ەكىنشى جوعارى ءبىلىم الۋ ءۇشىن پايدالانعان.
ۇلتتىق ۋنيۆەرسيتەت مالىمەتى بويىنشا، بۇرىنعى ۆيسە-سپيكەر جوعارى وقۋ ورنىن بىتىرگەن تۇلەكتەر اراسىندا جوق، جالعان قۇجاتتا كورسەتىلگەن ءنومىر باسقا ءبىر ازاماتتىڭ ديپلومىندا تۇر.
ارنايى قىزمەت كۇدىكتىنىڭ ءاتى-جونىنىن باس ارىپتەرىن عانا اتادى – ز.ت.ز. ۆيسە-سپيكەر قىزمەتىن 2012-2015 جىلدار ارالىعىندا زۋلپۋكاروۆ توروباي زاكيروۆيچ اتقارعان.
زۋلپۋكاروۆ بيىل 31 مامىردا بۇرىنعى سپيكەر اسىلبەك جەەنبەكوۆپەن بىرگە ۇستالدى. ولار ءقۇمتور ىسىنە قاتىستى تەرگەلىپ جاتىر.
زۋلپۋكاروۆ قورعاۋشىلارى ارنايى قىزمەت تاراتقان مالىمەتكە قاتىستى ازىرگە پىكىر بىلدىرگەن.
