بٷگٸن مارقۇم شەرزات بولاتتىڭ وتباسى نۇرقانات عايىپباەۆتى جەر قوينىنا تاپسىردى. جەرلەۋ رەسٸمٸنەن كەيٸن قارجاۋباي نۇرىموۆ قولىنا پىشاق ۇستاپ, باق ٶكٸلدەرٸمەن كەزدەسۋدٸ تالاپ ەتتٸ. اتالعان وقيعادان كەيٸن نۇرىموۆتى پوليتسييا قىزمەتكەرلەرٸ ۇستاپ ەكەتتٸ, دەپ حابارلايدى Dalanews.kz.
رەسمي دەرەككە سٷيەنسەك, ساعات 15:30 شاماسىندا ازات اۋىلىندا جەرلەۋ رەسٸمٸ كەزٸندە قوعامدىق تەرتٸپ بۇزىلعان. ايتۋلارىنشا, قارجاۋباي نۇرىموۆ قولىنا پىشاق ۇستاپ, ٶز-ٶزٸنە قول جۇمساماق بولعان.
"قارجاۋباي نۇرىموۆ پروكۋروردىڭ زاڭدى ساقتاۋ تۋرالى تٷسٸندٸرمەلەرٸن ەلەمەدٸ. شەكتەن تىس اگرەسسيۆتٸ مٸنەز-قۇلىق تانىتىپ, باسقالاردى ٶز-ٶزٸنە قول جۇمسايمىن دەپ قورقىتتى. سونىمەن قاتار پوليتسييا قىزمەتكەرٸنە پىشاقپەن شابۋىل جاسادى. ونىڭ مٸنەز-قۇلقى ٶزٸنە دە, باسقالارعا دا قاۋٸپ تٶندٸردٸ", — دەلٸنگەن حابارلامادا.
قازٸرگٸ ۋاقىتتا ول پوليتسييا بٶلٸمٸندە. ولاردىڭ سٶزٸنشە, نۇرىموۆپەن پسيحولوگتار جۇمىس ٸستەيدٸ.
ايتا كەتەيٸك, بٷگٸن اياۋسىز ٶلتٸرٸلگەن جاسٶسپٸرٸم شەرزات بولاتتىڭ ەكەسٸ قارجاۋباي نۇرىموۆ بۇقارالىق اقپارات قۇرالدارىمەن كەزدەسۋدٸ تالاپ ەتكەن بولاتىن.
“ونىڭ بٸر عانا تالابى بار – قۇقىق قورعاۋ ورگاندارى ۇلى مەن باۋىرىنىڭ ٶلٸمٸنە قاتىستى جاعدايدى ادال تەرگەسە بولدى”, – دەدٸ KazTAG رەداكتسيياسىنا قوعام قايراتكەرٸ دٸنمۇحامەد قاماتاي.
قوعام بەلسەندٸسٸ نۇرىموۆتىڭ جٷك كٶلٸگٸنٸڭ تٶبەسٸنە شىعىپ, جۋرناليستەرمەن كەزدەسۋدٸ كٷتٸپ وتىرعانىن جەتكٸزدٸ. ايتۋىنشا, وقيعا ورنىندا الماتى وبلىسى ەڭبەكشٸقازاق اۋدانىنا قاراستى ازات اۋىلىندا, كٶپتەگەن كٷشتٸك قۇرىلىم ٶكٸلدەرٸ, سونداي-اق مارقۇم جاسٶسپٸرٸم مەن ونىڭ اعاسىنىڭ تۋىستارى, سونىمەن قاتار باسقا دا ازاماتتار جينالعان.
ەسكە سالايىق, 9 جەلتوقساندا الماتى وبلىسىندا شەرزات بولاتتىڭ اعاسى نۇرقانات عايىپباەۆ ٶلٸ تابىلعان ەدٸ. پوليتسييا دەپارتامەنتٸنٸڭ الدىن الا دەرەكتەرٸ بويىنشا, ول سۋيتسيد جاساعان. وعان دەلەل رەتٸندە پوليتسەيلەر نۇرقاناتتىڭ تۋىسىنا مەسسەندجەر ارقىلى جازعان حاتىن جارييا ەتتٸ.
حابارلامادا ول تۋىسقاندارىمەن قوشتاسىپ, جيەنٸنٸڭ جانىنا جەرلەۋدٸ سۇراعان.
بۇل فاكتٸ بويىنشا قىلمىستىق ٸس قوزعالدى. قازٸرگٸ ۋاقىتتا بارلىق جاعدايلاردى انىقتاۋ ٷشٸن تەرگەۋ امالدارى جٷرگٸزٸلٸپ جاتىر.
شەرزات بولات تاراپىنىڭ ادۆوكاتى سايدا تەۋەكەلوۆا جاسٶسپٸرٸمنٸڭ اعاسىنىڭ ٶلٸ تابىلۋىنا قاتىستى مەلٸمدەمە جاساعان بولاتىن.
سايدا تەۋەكەلوۆا مارقۇمنىڭ اعاسى نۇرقانات عايىپباەۆ كٶز جۇمعانىن راستادى. "چەمودان گوسسەكرەتوۆ" تەلەگرام-ارناسىندا “شەرزات بولاتتىڭ اعاسى تٶبەلەس كەزٸندە قارۋدى بٸرٸنشٸ الىپ شىققان, سول ٷشٸن ٶزٸن ايىپتى سەزٸنٸپ, ٶز-ٶزٸنە قول سالعان” دەگەن اقپارات تاراعان.
"مارقۇمنىڭ تەرگەۋ بارىسىندا بەرگەن جاۋاپتارىنان ونىڭ قاتتى قوبالجىعانىن, ٸنٸسٸنٸڭ ٶلٸمٸنە ٶزٸن كٸنەلٸ دەپ ساناعانىن بايقاۋعا بولادى. سۋيتسيد جاساۋىنىڭ دا سەبەبٸ سول بولۋى مٷمكٸن", دەلٸنگەن تەلەگرامداعى جازبادا.
ادۆوكات تەۋەكەلوۆا بۇل نۇسقانى جوققا شىعارعان ەدٸ.
ال بۇعان دەيٸن شەرزات بولات تاراپىنىڭ قورعاۋشىسى مارال جايلاۋباەۆا قاندى وقيعا بولعان تٷنٸ كٷدٸكتٸلەر مارقۇم شەرزاتتىڭ اعاسى نۇرقاناتتى دا ٶلتٸرۋگە وقتالعانىن ايتقان ەدٸ.
“بٸز نۇرقاناتتى ٶلتٸرۋگە وقتالۋ فاكتٸسٸ بويىنشا تەرگەۋ ورگاندارىنا ٶتٸنٸش جٸبەردٸك. كٷدٸكتٸلەر نۇرقاناتقا دەنە جاراقاتتارىن كەلتٸرٸپ, 3-4 مەرتە جامباسى مەن تٶسٸنە پىشاق سۇققان. اتالعان ەرەكەتتەر ادامدى ٶمٸرٸنەن ايىرۋعا تٸكەلەي باعىتتالعان, ياعني ناقتى نيەتپەن جاسالعان دەپ ەسەپتەيمٸز. بۇل ٶتٸنٸش قازٸر تەرگەۋ ورگاندارىمەن قارالۋدا. قىلمىستىق ٸس بويىنشا جەبٸرلەنۋشٸلەر مەن كٷدٸكتٸلەردٸڭ ورتاسىندا بەتتەستٸرۋ ٶتكٸزٸلٸپ, قازٸرگٸ تاڭدا تاعايىندالعان ساراپتامالاردىڭ قورىتىندىلارىمەن بٸز تانىسۋدامىز”, - دەگەن ەدٸ ادۆوكات.
