شەكارا قىزمەتٸنٸڭ ەسكەري قىزمەتشٸسٸ دە كٶز جۇمدى
مينيستردٸڭ ايتۋىنشا, قىلمىسكەر ونىڭ اۆتوكٶلٸگٸن يەمدەنبەك بولعان.
– المالى اۋداندىق ٸشكٸ ٸستەر باسقارماسىنان شىعىپ, ۇقك دەپارتامەنتٸنە جەتكەن سوڭ, قىلمىسكەر جول جيەگٸندەگٸ پوليتسييا اۆتوماشيناسىن كٶرەدٸ. سول ارادا ماشينادان شىعادى دا, وندا وتىرعان پوليتسييا قىزمەتكەرلەرٸنە وق جاۋدىرادى. سونىڭ سالدارىنان بٸر پوليتسييا قىزمەتكەرٸ اۋىر جاراقات الىپ, ەكٸنشٸسٸ وقيعا ورنىندا قازا تاپتى. وسى سەتتە ۇقك دەپارتامەنتٸنٸڭ كەزەكشٸسٸ قىلمىسكەرگە وق اتا باستايدى. اتىس بارىسىندا قىلمىسكەردٸ الىپ كەلگەن جٷرگٸزۋشٸ وقيعا ورنىنان قاشىپ قۇتىلعان. ال قىلمىسكەر ەرٸ قاراي جٷگٸرٸپ, ٸشٸندە قر ۇقك شەكارا قىزمەتٸنٸڭ ەسكەري قىزمەتشٸسٸ, اعا لەيتەنانتتى كٶرٸپ, ونىڭ ماشيناسىن تارتىپ الۋعا ەرەكەت جاسايدى. مۇنىسىنان تٷك شىقپاعان سوڭ, شەكارا قىزمەتكەرٸنە قارسى وق اتىپ, ونى سول جەردە ٶلٸمشٸ ەتٸپ جارالايدى. وسى سەتتە سول جەردەن ٶتٸپ بارا جاتقان بٸر ازاماتتىق تۇلعانى دا جاراقاتتايدى. العان جاراقاتتان قالا تۇرعىنى دا كٶز جۇمدى, – دەدٸ ق. قاسىموۆ.
وسىلايشا, قازٸرگٸ رەسمي مەلٸمەت بويىنشا, قاندى وقيعا سالدارىنان 3 پوليتسييا قىزمەتكەرٸ, 1 ازاماتتىق تۇلعا, 1 شەكارا قىزمەتكەرٸ قازا تاۋىپ, 6 پوليتسييا قىزمەتكەرٸ مەن 3 ازاماتتىق تۇلعا جاراقات الدى.
اۆتور: ايبوتا جاپپاربەرگەن
قازاقپارات
