كۇن اينالماي جاتىپ تورەعالي تاشەنوۆ ءوزىنىڭ جازباسىن باس تارتتى.
اتالعان جازبا الەۋمەتتىك جەلىدە قىزۋ تالقىلانعاننان كەيىن تورەعالي تاشەنوۆ پاراقشاسىنداعى جازبانى ءوشىرىپ، ونىڭ ورنىنا
«ساعات تۇنگى 11-دەن 30 مينۋت كەتتى. ازىل-كۇلكى كۇنىنىڭ بىتۋىنە جارتى ساعات قالدى. قازاقتىڭ ءۇش ارىسى (قادىر، وتەجان، مۇحتار) جايلى جازبام ءازىل ەكەنىن مالىمدەيمىن»،
– دەپ ءوزىنىڭ جازباسىنان باس تارتتى.
دارداي اقىننىڭ 1 ءساۋىر مەرەكەسى قارساڭىندا بۇلايشا ازىلدەگەنىن اقىلعا جەڭدىرە المادىق. اۋەل باستان ۇلت مۇددەسى ءۇشىن جان اياماي كۇرەسىپ جۇرگەن مۇحتار شاحانوۆ جايىندا بۇلايشا ورىنسىز وي ايتۋدىڭ كىمگە قاجەتى بولعانىن ءبىز دە تۇسىنە المادىق.
تاۋ قوزعالسا دا ورنىنان قوزعالمايتىن تورەعالي تاشەنوۆتىڭ اياق استىنان ءازىل ايتىپ، قازاقتىڭ ماڭدايىنا باسقان ءۇش اقىنىنا قارسى مۇنداي اۋىر ايىپتاۋ ايتۋىن جۇرت تا قابىلداي المادى.
الدە مۇحتار شاحانوۆ ازىلدەيتىن تورەعالي تاشەنوۆتىڭ جەزدەسى مە ەكەن؟
ءبىراق تاشەنوۆتىڭ مۇقاڭا ونداي جاقىندىعىن ەستىگەن ەمەسپىز.
سوڭعى ۋاقىتتارى وزدەرىنىڭ تانىمالدىعىن ارتتىرۋ ءۇشىن ادامنىڭ ويىنا قونبايتىن دۇنيەلەردى ايتاتىندار كوبەيدى. كۇنى كەشە عانا زاماناۋي جىراۋ جان احمادييەۆ پەن ايەلى سەيفۋلين كوشەسىندە جەزوكشەلەردىڭ ساباۋدىڭ قويىلىمىن قويىپ، جۇرتتى دۇرلىكتىرگەن ەدى.
ەندى سونىڭ قىزۋى باسىلماي جاتىپ، بەلگىلى جۋرناليست تورەعاليە تاشەنوۆ «قازاقتىڭ مىقتى ءۇش اقىنى كگب-نىڭ «سالپانقۇلاعى» بولعان» دەپ ءازىل ايتىپ، ايدى اسپاننان ءبىراق شىعاردى.
بايقاپ ازىلدەيىكشى. قاراپتان-قاراپ قازاقتىڭ توبەسىنە كوتەرگەن ازاماتتارىن حالىققا قارسى قويىپ الا جازدادىق.
Dalanews.kz
https://dalanews.kz/35117
