قازاقستاندىق UFC سپورتشىسى شاۆكات راحمونوۆتىڭ جۇبايىنا قاتىستى جول اپاتىن تەرگەۋ اياقتالۋعا جاقىن. بۇل تۋرالى ٸشكٸ ٸستەر مينيسترٸنٸڭ ورىنباسارى سانجار ەدٸلوۆ حابارلادى, دەپ حابارلايدى Dalanews.kz.
سەنات كۋلۋارىندا جۋرناليستەردٸڭ سۇراقتارىنا جاۋاپ بەرگەن ول, اتالعان قىلمىستىق ٸستٸڭ قازاقستان رەسپۋبليكاسىنىڭ قىلمىستىق كودەكسٸنٸڭ 345-بابى, 3-بٶلٸگٸ بويىنشا تەرگەلٸپ جاتقانىن ەسكە سالدى.
«قازٸر تەرگەۋ ەرەكەتتەرٸنٸڭ باسىم بٶلٸگٸ اياقتالدى, سوڭعى كەشەندٸ اۆتوتەحنيكالىق ساراپتامانىڭ قورىتىندىسىن كٷتٸپ وتىرمىز. نەتيجەلەرگە سەيكەس ايىپ تاعۋ جەنە ٸستٸ سوتقا جولداۋ تۋرالى شەشٸم قابىلدايمىز», - دەدٸ ٸشكٸ ٸستەر مينيسترٸنٸڭ ورىنباسارى سانجار ەدٸلوۆ.
ەسكە سالايىق, گٷلايىم راحمونوۆا مەن ونىڭ ۇلى بيىل 27 شٸلدەدە جول اپاتىنا تٷسكەن ەدٸ.
پوليتسييانىڭ مەلٸمەتٸنشە, رەسپۋبليكالىق ماڭىزى بار الماتى – ەكاتەرينبۋرگ اۆتوجولىنىڭ 299-شاقىرىمىندا Toyota Land Cruiser 200 كٶلٸگٸنٸڭ جٷرگٸزۋشٸسٸ قاراعاندى وبلىسى باعىتىنان الماتىعا قاراي كەلە جاتىپ, رٶلگە يە بولا الماي, كٶلٸكتٸ اۋدارىپ العان. جول اپاتى سالدارىنان ەكٸ ەيەل قازا تاپقان.
