شارىن مەملەكەتتٸك ۇلتتىق تابيعي پاركٸندە سيرەك سەت تٸركەلدٸ, دەپ حابارلايدى Dalanews.kz.
پارك قىزمەتكەرلەرٸ شارىن ەرەن توعايىنىڭ اۋماعىندا قر قىزىل كٸتابىنا ەنگەن ورمان قاراقاسىن (لەسنايا سونيا) كادرعا تٷسٸرٸپ الدى.
"قىزىل كٸتاپقا ەنگەن جانۋاردى كەزدەستٸرۋ – تابيعاتتىڭ بٸزگە بەرگەن ەرەكشە سىيى. مۇنداي سەتتەر تابيعاتتى قورعاۋ مەن ساقتاۋدىڭ قانشالىقتى ماڭىزدى ەكەنٸن تاعى بٸر مەرتە دەلەلدەيدٸ", - دەيدٸ پارك قىزمەتكەرلەرٸ.
ورمان قاراقاسى (Dryomys nitedula) قازاقستاننىڭ قىزىل كٸتابىنا 3-سانات بويىنشا ەنگٸزٸلگەن, بۇل ونىڭ ارەالى قىسقارىپ كەلە جاتقان سيرەك تٷر ەكەنٸن بٸلدٸرەدٸ. سونداي-اق ول تمد فاۋناسىندا مونوتيپتٸ تۋىستىڭ جالعىز ٶكٸلٸ بولىپ تابىلادى.
ورمان قاراقاسى (Dryomys nitedula) – ورماندار مەن بۇتالى توعايلاردا تٸرشٸلٸك ەتەتٸن ۇساق كەمٸرگٸش.
قازاقستاننىڭ قىزىل كٸتابىندا ول «د» ساناتىمەن ەنگٸزٸلگەن – ياعني جەتكٸلٸكتٸ زەرتتەلمەگەن, جويىلىپ كەتۋ قاۋپٸ بار تٷر.
ورمان قاراقاسىنا تٶنەتٸن نەگٸزگٸ قاۋٸپتەر – ونىڭ تٸرشٸلٸك ەتۋ ورتاسىنىڭ بۇزىلۋى, براكونەرلٸك جەنە كليماتتىڭ ٶزگەرۋٸ. حالىقارالىق تابيعاتتى قورعاۋ وداعىنىڭ قىزىل تٸزٸمٸندە دە ول سيرەك تٷر رەتٸندە كٶرسەتٸلگەن.
قازاقستاندا كەيبٸر قورىقتار مەن قورىقشالاردا قورعالادى. ورمان قاراقاسىن ساقتاۋ ٷشٸن ونىڭ سانى مەن تارالۋ اياسىن زەرتتەۋ, سونداي-اق مەكەن ەتۋ ورتاسىن قورعاۋ شارالارىن قابىلداۋ قاجەت.
