وقيعا نۇرسەيىت جىلقىشىبايدىڭ “ۇناماسا قاراما” اتتى باعدارلاماسىندا ورىن العان.
سۇحبات كەزىندە جۋرناليست: “اسپان استى ەلىنە ۇرىق ساتادى دەگەن اڭگىمە شىعىپ جاتىر. ۇرىق كوپ پا سوندا سىزدە؟ قانشاعا ساتىپ جاتىرسىز؟” – دەپ سۇرادى. وعان سەرىكبول اشۋلانىپ:
– سۇراقتارىڭ ءوزىڭ سياقتى ءبىرتۇرلى ەكەن. مەن ەندى باقا-شايان جەيتىندەرگە ۇرىعىمدى ساتىپ جۇرەيىن. قانداي سۇراق قويىپ وتىرعانىڭدى ويلاساڭشى. مەن ەكى دۇنيەدە دە قىتايلارعا ۇرىعىمدى ساتپايمىن. ساتاتىن ويىم دا بولماعان. سەن ادامنىڭ نامىسىنا تيەتىندەي سوزدەر ايتپا… سەن قازاقتاردى ساتىلادى دەپ ويلاپ ءجۇرسىڭ-اۋ دەيمىن. سەرىكبولدىڭ ەسى دۇرىس ەمەس دەپ ويلايسىڭ با؟ ماعان كەلەسى جولى ونداي سۇراق قويماڭدار، – دەگەن سەرىكبول ورنىنان تۇرىپ، باعدارلامانى ورتاسىنان ءۇزىپ جىبەردى.
سۇحبات بارىسىندا سەرىكبول وزىنە تيىسە بەرگەن ويىنشىق ايۋ كەيپىندەگى بويجەتكەنگە قول كوتەرىپ، يتەرىپ جىبەردى. الايدا ول بۇل ارەكەتىن ايۋ ىشىندە ەر ادام بولۋى مۇمكىن دەگەن بولجامىمەن ءتۇسىندىردى. اقىرىندا ارۋدان كەشىرىم سۇراپ:
– كەشىر، اينالايىن! ءبىراق كەلەسى جولى مىنا جۋرناليستپەن جۇمىس ىستەمە! ادامنىڭ ويىنا كەلمەيتىندەي “توپاستاردىڭ” سۇراعىن قوياتىن باعدارلامادا وتىرۋدىڭ قاجەتى جوق، – دەدى ول.
https://dalanews.kz/34266
