سەمەيدە زاڭسىز الكوگول ونىمدەرىن وندىرەتىن جاسىرىن سەحتىڭ قىزمەتىن توقتاتىلدى، دەپ حابارلايدى Dalanews.kz.

تەرگەۋ امالدارىنا سايكەس، سەمەي قالاسىنىڭ تۇرعىنى ءتيىستى ليسەنزياسىز الكوگول ءوندىرۋدى ۇيىمداستىرعان.

ورىنجايلار مەن گاراجداردا ءسپيرتتى سۋمەن ارالاستىرۋ ارقىلى الكوگول دايىندالىپ، كەيىن تانىمال برەندتەردىڭ اتاۋىمەن شىنى بوتەلكەلەرگە قۇيىلعان.

ونىمگە زاڭدى سيپات بەرۋ ءۇشىن الدىن الا قولدان جاسالعان ەسەپكە الۋ-باقىلاۋ ماركالارى پايدالانىلعان.

ءتىنتۋ بارىسىندا زاڭسىز اينالىمنان «Finsky Ice» جانە «سيبيرسكيە موروزى» اتاۋلارىمەن 12 مىڭنان استام بوتەلكە الكوگول، 8 مىڭنان اسا بوس بوتەلكە، 10 مىڭ ليتردەن استام سپيرت قۇرامدى سۇيىقتىق، جالعان ماركالار، سونداي-اق ءوندىرۋ جانە ءبۋىپ-تۇيۋ جابدىقتارى تاركىلەندى.

سوتتىڭ سانكسياسىمەن سەح ورنالاسقان جەكەمەنشىك ۇيگە، سونداي-اق ءونىمدى تاسىمالداۋعا پايدالانىلعان ءۇش اۆتوكولىككە تىيىم سالىندى.

ۇيىمداستىرۋشىعا قاتىستى ەلدەن شىقپاۋ جانە ءتيىستى مىنەز-قۇلىق تۋرالى قولحات تۇرىندەگى بۇلتارتپاۋ شاراسى تاڭدالدى. تەرگەۋ جالعاسۋدا.