جاكىشيەۆ سوت زالىندا بولمادى، ول تۇرمەدەن ۆيدەوبايلانىسقا شىقتى.
بۇل - شارتتى تۇردە مەرزىمىنەن بۇرىن بوساتۋعا بەرىلگەن ءوتىنىش بويىنشا قارالىپ جاتقان ءۇشىنشى سوت ءىسى. بۇل شەشىمدى قاراستىرىپ جاتقان سوت بيلىكتىڭ ماڭىزدى تارماعى جانە قوعامنىڭ وكىلى دەپ سانايمىن ... (..) مەنى قولداۋعا كەلگەن كوپ ادامداردى كورىپ تۇرمىن. وسى ادامدارعا جانە ەلىمنىڭ جالپى قولداۋىنا سۇيەنە وتىرىپ، ءسىز ءوز سۇراقتارىڭىزعا (سوتتالۋشىنىڭ قاۋىپتىلىگى تۋرالى - رەد.) جاۋاپ الا الاسىز دەپ ويلايمىن. مەنىڭ قازاقستان ازاماتى رەتىندەگى باستى ءوتىنىشىم - قازاقستان رەسپۋبليكاسىندا قابىلدانعان زاڭدار ماعان قولدانىلسا دەيمىن. پروكۋراتۋرا مەن سوتقا جولداعان باستى وتىنىشىمدە دە زاڭدى قاراۋىلداماي، ونى جۇزەگە اسىرايىق دەگەن ەدىم، - دەدى مۇحتار جاكىشيەۆ.
ودان كەيىن قازاتومونەركاسىپتىڭ بۇرىنعى باسشىسى جازاسىن وتەپ جاتقان كولونيا وكىلى ءسوز سويلەدى. ول سوتتالۋشىنى جاعىمدى جاعىنان سيپاتتاپ، ۇلگىلى مىنەز-قۇلقى ءۇشىن جەتى رەت سىياقى العانىن ايتتى.
ءبىز شارتتى تۇردە بوساتۋدى مۇمكىن دەپ سانايمىز، - دەدى كولونيا وكىلى.
13 اقپاندا جاكىشيەۆ تاعى ءبىر رەت مەرزىمىنەن بۇرىن شارتتى تۇردە بوساتۋ تۋرالى ءوتىنىش بەرگەنى بەلگىلى بولدى.
پرەزيدەنت قاسىم-جومارت توقايەۆ "ينفورمبيۋروعا" بەرگەن سۇحباتىندا جاكىشيەۆ ىسىندەگى سوت شەشىمى ءادىل بولادى دەپ ايتقان ەدى.
