وقيعا ورنىنا جەدەل كەلىپ، 6-قاباتقا دەيىن اۆتوساتىنى اشىپ، ءورت سوندىرۋشىلەر 2006 جانە 2008 جىلى تۋىلعان ەكى بالانى قاتتى تۇتىندەلگەن تۇرعىن ۇيدەن قۇتقاردى.
ۋلانۋ بەلگىلەرى بولعاندىقتان، ولار مەديسينالىق مەكەمەگە جەتكىزىلدى. تاعى 31 تۇرعىن، ونىڭ 14 بالا ءورت سوندىرۋشىلەردىڭ كومەگىمەن باسپالداق ارقىلى قۇتقارىلدى.
بالالارىنا كومەكتەسۋگە تىرىسقان 1980 جىلعى پاتەر يەسى كۇيىك الىپ، اۋرۋحاناعا جاتقىزىلدى. سونداي-اق، ءورت ءسوندىرۋ قىزمەتىنىڭ قىزمەتكەرلەرى ءقاۋىپتى ايماقتان 50 ادامدى، ونىڭ ىشىندە 15 بالانى ەۆاكۋاسيالادى. ءورتتى سوندىرۋگە جەكە قۇرامنان 40 ادام جانە 10 تەحنيكا جۇمىلدىرىلدى.
ءورتتىڭ الدىن الا سەبەبى-ەلەكتر جابدىقتارىن پايدالانۋ كەزىندە ءورت قاۋىپسىزدىگى تالاپتارىن ساقتاماۋ.
شقو تجد ءورت شىققان جاعدايدا دەرەۋ 101 تەلەفونىنا حابارلاۋ قاجەت ەكەنىن ەسكەرتەدى. تىنىس الۋ ورگاندارىن دىمقىل شۇبەرەكپەن جاۋىپ، تۇتىندەگەن ورىننان كەتۋگە تىرىسىڭىز.
ءورتتى بولدىرماۋ ءۇشىن، قاجەت:
- اشىق وتپەن جۇمىس جاساۋدا، تۇرعىن ءۇي-جايدا تەمەكى شەگۋدە ۇقىپسىزدىققا جول بەرمەۋ.
- مۇمكىندىگىنشە تۇرعىن ۇيلەر مەن پاتەرلەردە العاشقى ءورت ءسوندىرۋ قۇرالدارىنىڭ بولۋى.
- توسەككە جاتقاندا نەمەسە ۇيدەن شىققاندا ەلەكتر قۇرىلعىلارىنىڭ وشىرىلگەنىن تەكسەرىڭىز.
- ەلەكتر سىمدارىنىڭ جارامدىلىعىن باقىلاڭىز. اقاۋلىقتاردى ۋاقىتىلى جويىڭىز.
