قازاقستاندا ق ر پارلامەنتى ءماجىلىسى مەن ءماسليحاتتار دەپۋتاتتارىنىڭ سايلاۋى 19 ناۋرىز كۇنى وتەدى. ەلورداداعى سايلاۋ ۋچاسكەسىن بىرنەشە تاسىلمەن ونلاين انىقتاۋعا بولادى، – دەپ حابارلايدى Dalanews.kz استانا اكىمدىگىنىڭ رەسمي سايتىنا سىلتەمە جاساپ.

استانا قالاسىنىڭ اكىمدىگى ءوزىنىڭ سايلاۋ ۋچاسكەسى تۋرالى مالىمەتتەردى ناقتى ۋاقىت رەجيمىندە مىناداي تاسىلدەرمەن الۋعا مۇمكىندىك بەرەدى:

1. ۆەب-قىزمەت: https://sailau.astana.kz/


2. Telegram-داعى چات-بوت: https://t.me/sailau_astana_bot


3. Smart Astana ءموبيلدى قوسىمشاسى.


4. IKomek ءبىرىڭعاي بايلانىس ورتالىعى، 109 تەلەفونى بويىنشا.

ازاماتتى داۋىس بەرۋدىڭ ناقتى سايلاۋ ۋچاسكەسىندەگى سايلاۋشىلار تىزىمىنە ەنگىزۋ ءۇشىن ونىڭ تۇرعىلىقتى جەرى بويىنشا، سول سياقتى اتالعان ۋچاسكەنىڭ اۋماعىندا تىركەلۋ فاكتىسى نەگىز بولىپ سانالادى. مەكەنجاي مالىمەتتەرىن تىركەۋ، تۇزەتۋ جانە تەكسەرۋ ءۇشىن egov.kz «ەلەكتروندى ۇكىمەت» پورتالىنىڭ «ازاماتتىق، كوشى-قون جانە يمميگراسيا → حالىقتى تىركەۋ جانە تىركەۋ ەسەبىنەن شىعارۋ» بولىمىنە نەمەسە «ازاماتتارعا ارنالعان ۇكىمەت» مەملەكەتتىك كورپوراسياسىنا جۇگىنۋ قاجەت.

2023 جىلعى 19 ناۋرىزدا قازاقستان رەسپۋبليكاسى پارلامەنتى ءماجىلىسى مەن ءماسليحات دەپۋتاتتارىنىڭ كەزەكتەن تىس سايلاۋىنا قاتىسۋ ارقىلى كونستيتۋسيالىق قۇقىعىڭىزدى ىسكە اسىرىڭىز.