– كەلەتىن كىسىلەردەن، اقپارات قۇرالدارىنان سەسكەنگەن سياقتى. ونىڭ ۇستىنە ولارعا جوعارىدان باس پروكۋراتۋرادان كوميسسيا كەلىپ جاتىر، - دەدى تۇرمە اكىمشىلىگىنىڭ ارەكەتىنە باعا بەرگەن كەنجەبەك ابىشيەۆ ازاتتىق تىلشىسىنە.
بۇعان دەيىن جەرگىلىكتى بەلسەندىلەر زارەچنىي كەنتىندەگى لا-155/14 تۇزەتۋ مەكەمەسىنىڭ الدىنان ونى كۇتىپ الۋدى جوسپارلاعان. ءبىراق بەلسەندىلەر بارعانعا دەيىن ونى ۇيىنە الىپ كەتكەن.
27 قىركۇيەكتە قاپشاعاي قالالىق سوتى "تەرروريزمدى ناسيحاتتادى" دەگەن ايىپپەن سوتتالعان كەنجەبەك ابىشيەۆتىڭ شارتتى تۇردە مەرزىمىنەن بۇرىن بوساپ شىعۋ تۋرالى ءوتىنىشىن قاناعاتتاندىرعان. ول "جازاسىنىڭ" قالعان بولىگى ياعني، 2 جىل 4 اي 20 كۇندى بوستاندىعى شەكتەلگەن كۇيى وتەيدى.
الماتى وبلىستىق سوتى 2018 جىلعى 21 جەلتوقساندا كەنجەبەك ابىشيەۆتى "تەرروريزمدى ناسيحاتتادى" دەگەن ايىپپەن جەتى جىلعا سوتتاعان ەدى. 2019 جىلى اپەللياسيالىق سوت ۇكىمدى وزگەرىسسىز قالدىردى. 2020 جىلعى 13 ناۋرىزدا قاپشاعاي قالالىق سوتى جازا مەرزىمىن ازايتقان.
قازاقستاندىق قۇقىق قورعاۋشىلار كەنجەبەك ابىشيەۆتى ساياسي تۇتقىن دەپ تانىعان. قازاقستان بيلىگى ەلدە ساياسي تۇتقىندار جوق دەپ ەسەپتەيدى.
